परीक्षेच्या ऐन पहिल्या रात्री रद्द करण्यात आलेल्या आरोग्य विभागाच्या परीक्षांची तारीख आज राज्याचे आरोग्य मंत्री राजेश टोपे यांनी जाहीर केल्या. येत्या 24 ऑक्टोबर गट क ची परीक्षा तर गट ड साठी 31 ऑक्टोबर रोजी परीक्षा घेण्याचा निर्णय झाल्याची माहिती माहिती राज्याचे आरोग्यमंत्री राजेश टोपे यांनी दिली आहे. परीक्षा केंद्रांची माहिती, उपलब्ध शाळांची माहिती 1 ऑक्टोबरपर्यंत देण्याच्या सूचना देखील देण्यात आल्या आहेत.
यावेळी 9 दिवस आधीच परीक्षार्थीना हॉलतिकीट देण्याची व्यवस्था करण्यात येणार असल्याची माहिती देखील त्यांनी दिली. यावेळी कोणत्याही प्रकारची गैरसोय होणार नाही याची पूर्ण काळजी देखील घेतली जाईल, परीक्षर्तिनी कोणत्याही अफवांना बळी पडू नये, असे आवाहन देखील राजेश टोपे यांनी केले आहे.
