वाहन खरेदी करणाऱ्यांसाठी अत्यंत गोड बातमी आहे. नवीन गाडी घेतल्यावर नोंदणीसाठी आता तुम्हाला RTO ऑफिस मध्ये जाण्याची गरज नाही. तुम्ही घरबसल्या ऑनलाईन पद्धतीने गाडीची नोंदणी करु शकता. तशी सुविधा RTO ऑफिस मार्फत उपलब्ध करुन देण्यात आली आहे.
आता जुन्या दुचाकी, चारचाकी वाहन खरेदीनंतरची नोंदणीही ऑनलाईन करणे सहज शक्य आहे तसेच घरबसल्या नवे आरसीबुक मिळणार आहे. गाडी ज्या ठिकाणी खरेदी केली त्या शोरुममध्ये ही सेवा मिळणार आहे. त्यामुळे नागरिकांची आरटीओतील पायपीट थांबणार आहे.
ऑनलाईन लर्निंग लायसन्सच्या धर्तीवर जुन्यावाहन खरेदीची नोंदणी करता येणार आहे. परिवहन खात्याने या सुविधेसाठी संकेतस्थळावर आवश्यक बदल करण्याची सूचना एनआयसीला दिल्या आहेत. यामुळे सर्वसामान्यांची आरटीओ कार्यालयातील पायपीट थांबणार आहे.
