मनमाड नगर पालिका तर्फे दरवर्षी मिळणारी 5% दिव्यांग निधी दिला जातो. सदर निधी दिवाळी पुर्वी देण्यात यावा या मागणीसाठी भाजप दिव्यांग आघाडीतर्फे वारंवार पाठपुरावा करण्यात येत होता, वारंवार पाठपुरावा करून देखील मागणी मान्य न झाल्यामुळे दि.५ ऑक्टोबर रोजी भाजपा दिव्यांग आघाडी नाशिक जिल्हा उपाध्यक्ष बुरहान शेख यांच्या मार्गदर्शनाखाली ठिय्या आंदोलन देखील करण्यात आले होते. या मागणीला अखेर यश प्राप्त झाले असून सोमवार (दि.२५) रोजी या मागणीला मान्यता देण्यात आल्याचे पत्र नगर पालिका प्रशासनातर्फे प्रभारी नगराध्यक्ष राजेंद्र अहिरे यांचे हस्ते देण्यात आले आहे.
मागणी मान्य केल्यामुळे दिव्यांग आघाडीतर्फे नगरपालिका प्रशासनाचे आभार व्यक्त करण्यात आले. यावेळी नगरसेवक गंगादादा त्रिभुवन, आगवणे साहेब, सुरेश शिंदे व दिव्यांग आघाडी पदाधिकारी उपस्थित होते.
