९४ वे अखिल भारतीय मराठी साहित्य संमेलन नाशिक शहरात संपन्न होणार आहे. जिल्ह्यातील अग्रगण्य असलेली दि नाशिक मर्चट को–ऑप बँकेने साहित्य संमेलनासाठी ११ लाख रुपयांचा निधी जाहीर केला आहे. सदर रकमेचा धनादेश संमेलनाचे स्वागताध्यक्ष व जिल्ह्याचे पालकमंत्री छगन भुजबळ यांच्याकडे सुपूर्द करण्यात आला.
नाशिक मर्चट को ऑप बँकेचे चेअरमन हेमंत धात्रक यांनी सोमवारी माजी मंत्री जयकुमार रावल, पंकजा मुंडे यांच्या उपस्थितीत सदर धनादेश जिल्ह्याचे पालकमंत्री छगन भुजबळ यांचेकडे सुपूर्द केला. संमेलनासाठी अनेक संस्था मदत करीत असून यापुढेही संस्थांनी पुढे यावे, असे आवाहन पालकमंत्र्यांनी केले. यावेळी नामको बँकेचे चेअरमन हेमंत धात्रक, उपाध्यक्ष प्रकाश दायमा, जनसंपर्क संचालिका शोभा छाजेड, ज्येष्ठ नेते व संचालक वसंत गीते, सोहनलाल भंडारी, विजय साने यांच्यासह संचालक मंडळातील सदस्य उपस्थित होते. साहित्य संमेलनाचे प्रमुख कार्यवाह जयप्रकाश जातेगावकर यांनी नामको बँकेच्या पदाधिकाऱ्यांचे आभार मानले.