मनमाड :- येथील हुडको विभागात असलेल्या पंचशील सार्व. वाचनालामध्ये मागील वर्षी महाराष्ट्र शासनाच्या नियोजन विभागाकडून मानव विकास कार्यक्रमा अंतर्गत स्पर्धा परीक्षांच्या अभ्यासाची सुमारे अडीज लाखांची १५१ पुस्तके आलेली आहेत . सदर पुस्तकांचा विध्यार्थाना उपयोग होतो किंवा नाही तसेच आजपर्यंत किती विद्यार्थानी या पुस्तकांचा लाभ घेतला या बाबतची तपासणी करण्यासाठी नाशिक येथील जिल्हा नियोजन अधिकारी श्री. हेमंत आहिरे यांनी नुकतीच वाचनालयाला भेट दिली. तेव्हा वाचनालयाचे प्रमुख कार्यवाह एस. एम. भाले यांनी त्यांचे स्वागत करून त्यांना संपूर्ण माहिती उपलब्द करुन दिली. तसेच अभ्यास करणाऱ्या विद्यार्थ्यांबरोबर त्यांनी प्रत्यक्ष संवाद साधला. MPSC, UPSC आणि इतर स्पर्धा परीक्षा देणार्या सुमारे २९ विद्यारथ्यांनी या पुस्तकांचा आजपर्यंत लाभ घेतल्याचे वाचनालयाचे देवाण-घेवाण रजिस्टर वरुन निदर्शनास आले. त्याबद्दल त्यांनी वाचनालयाचे कामकाजाबद्दल समाधान व्यक्त करुन चांगला शेरा दिला . यावेळी विध्यार्थापैकी सचिन जाधव, शुभम जाधव, मनीष शर्मा, स्वप्नील बोदडे , प्रतीक्षा धिवर , काजल पगारे, विश्वास भंडारे, प्रेम भंडारे यांचेसह लिपिक राकेश पगारे, ग्रंथपाल प्रमोद शेजवळ इत्यादी उपस्थित होते.
