भारतीय कम्युनिस्ट पक्षाचे जेष्ठ नेते, स्वातंत्र्य सेनानी, संयुक्त महाराष्ट्र आंदोलनाचे नेते, खंडकरी शेतकऱ्यांना न्याय मिळवून देणारे माजी आमदार कॉम्रेड माधवराव गायकवाड यांचे 12 नोव्हेंबर 2018 रोजी वयाच्या 93 व्या वर्षी निधन झाले. कॉम्रेड माधवराव गायकवाड यांचे कार्य शेतकरी स्वातंत्र्य चळवळीत खंडकरी शेतकरी यांना प्रदिर्घ लढ्यातून जमीन मिळवून दिली आहे. सहकार क्षेत्रात हि छत्रपती नाशिक जिल्हा नागरी सहकारी पतसंस्था चे संस्थापक अध्यक्ष होते, 25 वर्षा पूर्वी स्थापन केलेल्या पथसंस्थेच्या 8 शाखा कार्यरत आहेत,हौसिग सोसाईटी उभ्या केल्या आहेत. त्यातून अनेकांना घरे मिळाली आहेत,
नांदगाव विधानसभेचे आमदार तसेच 6 वर्ष विधांपरिषेद विरोधी पक्षनेते, भाकप चे12 वर्ष राज्य सरचिटणीस, किसान सभेचे 15 वर्ष अद्यक्ष पद भूषविले. आयटक संलग्न नगरपालिका कर्मचारी संघटना, रेल्वे युनियन, आदी चळवळीत 75 वर्ष योगदान दिले आहे.
कॉम्रेड माधवराव गायकवाड(बाबूजी) यांचा विचाराचा वारसा व कार्य पुढे नेण्यासाठी स्वातंत्र्य सैनिक कॉम्रेड माधवराव गायकवाड बहुउद्देशीय संस्था स्थापन करण्यात आली आहे. संस्थेच्या वतीने सामाजिक, शैक्षणिक शेती, सहकार चळवळ, कामगार क्षेत्र आदी संदर्भात उपक्रम राबविले जातात.
शेतकरी-कामगार- श्रमिकांच्या चळवळीसाठी आयुष्य वेचणारे कॉम्रेड माधवराव गायकवाड ( बाबुजी) ना आंज स्मृतिदिनी अभिवादन करतांना शेतकरी- कष्टकरी चळवळ बळकट करून लढा देणे हीच आदरांजली ठरेल!!
