राष्ट्रवादी काँग्रेसचे अध्यक्ष नामदार शरद पवार, महाराष्ट्र राज्याचे कृषीमंत्री नामदार दादा भुसे व राज्य विधानसभेचे उपाध्यक्ष नामदार नरहरी झिरवळ यांना अखिल भारतीय मराठा महासंघ नाशिक यांच्या वतीने महाराष्ट्र राज्यात प्रत्येक ग्रामीण भागातील मराठा समाज आर्थिक दुर्लभ घटकातील होतकरु लघु उद्योग व व्यवसाय करणारे मराठा बांधवांना शासकीय योजनांची माहिती व येणाऱ्या अडचणींना मदत मिळावी या करीता कै.अण्णासाहेब पाटील आर्थिक विकास महामंडळ यांचे कार्यालय महाराष्ट्र राज्यातील प्रत्येक तालुक्यात सुरु करावे व सारथी या संस्थेचे केंद्र नाशिक जिल्हा व प्रत्येक तालुक्यात सुरु करावे, यासह विविध मागण्यांचे निवेदन देण्यात आले, मराठा समाज आज अनेक समस्यांनी ग्रस्त आहे त्यातून मराठा बांधवांना थोडा तरी दिलासा देण्यात यावा अशी मागणी या निवेदनात करण्यात आली.
याकरीता मराठा महासंघ नाशिक जिल्हाध्यक्ष अशोक कदम, उपाध्यक्ष उल्हास देशमुख, उपाध्यक्ष भास्कर झाल्टे, कार्याध्यक्ष कपील निफाडकर, नि.तालुका अध्यक्ष अनिरुध्द पवार, मनमाड शहर प्रमुख विष्णु चव्हाण, राहुल कापडणीस यांनी समक्ष भेट घेतली व चर्चा करून निवेदन दिले.
