एस पी एच नामपुर महाविद्यालयात काव्यपुष्प स्पर्धा संपन्न.

महात्मा गांधी विद्यामंदिर संचलित समाजश्री प्रशांतदादा हिरे कला विज्ञान व वाणिज्य महाविद्यालय नामपुर येथे लोकमाता महिलारत्न माजी आरोग्यमंत्री आदरणीय श्रीमती. पुष्पाताई हिरे यांचा 92 वा वाढदिवस मोठ्या उत्साहात साजरा करण्यात आला. आदरणीय ताईसाहेबांच्या वाढदिवसाचे औचित्य साधून “काव्यपुष्प स्पर्धेचे” आयोजन महाविद्यालयाचे उपप्राचार्य आदरणीय डॉ.यु बी कदम यांच्या अध्यक्षतेखाली करण्यात आले. या स्पर्धेत वरिष्ठ व कनिष्ठ महाविद्यालयातील अनेक विद्यार्थी व विद्यार्थिनींनी उस्फूर्तपणे सहभाग घेऊन वेगवेगळे ज्वलंत विषय घेऊन कविता वाचन केले. यावेळी अध्यक्षीय मनोगत व्यक्त करताना महाविद्यालयाचे उपप्राचार्य डॉ यु बी कदम यांनी नवयुगाचे कवी व कवयित्री यांचे अभिनंदन करून त्यांचे स्वागत केले व आदरणीय पुष्पाताई हिरे यांना वाढदिवसाच्या शुभेच्छा देऊन त्यांना उत्तम आरोग्य मिळावे ही प्रार्थना केली. या स्पर्धेत एकूण 15 विद्यार्थ्यांनी सहभाग घेतला व त्यांच्यापैकी तीन उत्कृष्ट विद्यार्थ्यांचे निवड करण्यात आली .प्रथम क्रमांक वाघ तेजस्विनी गिरीधर .द्वितीय क्रमांक मगर साक्षी विजय व तृतीय क्रमांक धोंडगे कुणाल संजय. असे होय. कार्यक्रमप्रसंगी कनिष्ठ महाविद्यालयाचे उपप्राचार्य श्री. एस आर निकम ,पर्यवेक्षक श्री एम डी अहिरे, पर्यवेक्षक श्री.ए डी. पाटील ,प्रा एस जी वाघ प्रा डॉ एस टी शेलार उपस्थित होते . या कार्यक्रमाचे सूत्रसंचालन प्रा जितेंद्र एस सूर्यवंशी व आभार प्रा आर पी ठाकरे यांनी केले. हा कार्यक्रम यशस्वी हा कार्यक्रम यशस्वी होण्यासाठी सर्व प्राध्यापक प्राध्यापिका यांनी परिश्रम घेतले. यावेळी महाविद्यालयातील विद्यार्थी व विद्यार्थिनी मोठ्या संख्येने उपस्थित होते