विनामास्क शहरात वावरणाऱ्या नागरिकांवर दंडात्मक कारवाई !

वाढती कोरोना रुग्ण संख्या आणि जिल्हाधिकाऱ्यांच्या दौऱ्याच्या पार्श्वभूमीवर आज पालिका प्रशासन एक्शन मोडवर आलेले दिसले पथके तयार करत शहरातील विविध भागात विना मास्क फिरणाऱ्या नागरिकांवर दंडात्मक कारवाई सुरू केली आहे. अनेकांना देत मास्क घालण्याच्या सूचना देण्यात येत आहे. त्यामुळे विनामास्क फिरणाऱ्यांची चांगलीच धावपळ उडाली.शहर आणि परिसरात कोरोना बाधित रुग्णांची संख्या दिवसेंदिवस वाढत आहे. या पार्श्वभूमीवर जिल्हा प्रशासनाने उपाययोजना करण्याचे आदेश दिले आहेत. त्यातच आज जिल्हाधिकाऱ्यांच्या दौऱ्याच्या पार्श्वभूमीवर मनमाड नगरपालिका ही प्रशासनही सज्ज झाले. विविध पथके तयार करण्यात आली असून  शहरातील रेल्वे ओव्हर ब्रिज जवळ तसेच शहरातील विविध भागात विना मास्क फिरणाऱ्या नागरिकांना सूचना करत दंडात्मक कारवाई सुरू केली. कोरोना बाधीतांची वाढती रुग्णसंख्या लक्षात घेता नागरीकांनी कोरोना प्रतिबंधक सूचना आणि नियमांचे पालन करावे, प्रशासनाला सहकार्य करावे आदी सूचना देण्यात आल्या. मनमाड शहरांत १३४ कोरोना पॉझिटिव्ह रूग्णसंख्या सध्या आहे ही चिंतेची बाब असली तरी हॉस्पिटलायझेशन नाही , डेथ रेटही नाही. मनमाड शहरात पात्र ४९,२६३ लाभार्थ्यांन पैकी ४१,८८८ नागरिकांनी पहिला डोस घेतला त्याचे प्रमाण ८५.०३ टक्के इतके आहे. तर ७३७५ नागरिक अद्याप लसीकरणाचे बाकी आहे. २०८३३ नागरिकांनी दुसरा डोस घेतला असून त्याचे प्रमाण ४२.२९ टक्के इतके आहे. पहिला डोस घेणाऱ्यांच्या तुलनेत दुसरा डोस घेणाऱ्यांची संख्या कमी आहे. तसेच किशोरवयीन मुला – मुलीचे मनमाड शहरात ९७७ लसीकरण झाले असुन तालुक्यात ७०६० लसीकरण झाले आहे.