Breaking News

[post-marguee]

[ays_poll id=7]

श्री निलमणी गणेश मंदीर सार्वजनिक ट्रस्टतर्फे रुग्ण सेवेसाठी विक्रमी औषध संकलन

Jan 21, 2022

मनमाड शहरात सन 1997 पासून अखंडीतपणे विविध उपक्रमांद्वारे धार्मिक, सामाजिक व आरोग्य सेवाकार्य करणार्‍या तसेच शहरात मानाचे स्थान असणार्‍या श्री निलमणी गणेश मंदीर सार्वजनिक ट्रस्टतर्फे 2017 पासून सलग भाद्रपद महा गणेशोत्सव 2021 मध्ये यंदा उत्सवाच्या 25 व्या रौप्य महोत्सवी वर्षानिमित्त गरीब रुग्णांसाठी शिल्लक औषध संकलन केंद्र सुरु करण्यात आले होते.शहरातील नागरिकांना त्यांच्याकडे उपचारानंतर शिल्लक असणारी औषधे की ज्यांची मुदत (एक्सपायरी डेट) बाकी आहे, ती श्री निलमणी गणेश मंदीरात ठेवण्यात आलेल्या शिल्लक औषध संकलन पेटीमध्ये देण्याचे आवाहन करण्यात आले होते. शहर व परिसरातील भक्तांनी व नागरिकांनी या आरोग्य सेवा उपक्रमास भरभरुन प्रतिसाद दिला. 4 महिन्यांच्या कालावधीमध्ये या औषध शिल्लक संकलन पेटीमध्ये सुमारे रु.35,000/- पेक्षा जास्त किंमतीची विक्रमी औषधे संकलीत झाली. 2017 पासून आज पर्यंत पाच वर्षात या उपक्रमा द्वारे ट्रस्ट तर्फे 75000 पेक्षा जास्त किमतीची औषधे संकलित करण्यात आली आहेत. ट्रस्टतर्फे या औषधांचे विविध आजारानुसार वर्गीकरण करण्यात आले आणि राष्ट्रीय स्वयंसेवक संघ संचलित जनकल्याण समिती नाशिक यांच्या मार्फत दुर्गम भागात गरीब रुग्णांसाठी मोफत उपचार व औषधे उपलब्ध करुन दिली जातात म्हणून संकलीत औषधे नाशिक येथील जनकल्याण समिती संचालित साप्ताहिक आरोग्य केंद्राचे औषध विभाग प्रमुख मधुकर जोशी यांना ट्रस्टचे अध्यक्ष किशोर गुजराथी, उपाध्यक्ष शेखर पांगुळ व सचिव नितीन पांडे , विश्‍वस्त गोविंद रसाळ यांनी सूपूर्द केले. याप्रसंगी जनकल्याण आरोग्य नाशिक केंद्राचे आरोग्य आयाम प्रमुख नरहर जोशी यांनी जनकल्याण समितीच्या वतीने ट्रस्टचे ऋण व्यक्त केले.
श्री निलमणी गणेश मंदीर सार्वजनिक ट्रस्टतर्फे हा गरीब रुग्णांना मोफत औषध उपलब्ध करुन देणारा शिल्लक औषध संकलन केंद्र उपक्रम सोबतच ट्रस्ट तर्फे मनमाड शहरात गरीब रुग्णांसाठी विविध आरोग्य सेवा उपलब्ध करणार असल्याचे ट्रस्टचे सचिव नितीन पांडे यांनी या प्रसंगी सांगितले. जनकल्याण समिती तर्फे मधुकर जोशी यांनी आभार मानले. श्री निलमणी गणेश मंदीरातर्फे राबविण्यात आलेल्या या उपक्रमात ट्रस्टला अक्षय सानप, अभिषेक पितृभक्त राहुल लांबोळे,शुभम मुनोत रवींद्र वास्कर,बेटी बचाव बेटी पढाव या राष्ट्रीय अभियान चे महराष्ट्र सहसंयोजक प्रवीण अलई , रोहित कुलकर्णी, भरत छाबडा, सुर्यभान वडक्ते, सचिन वडक्ते, सचिन व्यवहारे, रामदास इप्पर,सौरभ मुनोत, संदीप सिनकर, जनकल्याण समितीचे अनिल चांदवडकर आदी मान्यवरांसह ज्ञात अज्ञात गणेश भक्तांचे अनमोल सहकार्य लाभले. या कार्यक्रमास वनवासी कल्याण आश्रमचे प्रकाश कुलकर्णी, शिवसेना जिल्हा उपप्रमुख संतोष बळीद ,आनंद सेवा केंद्राचे प्रमुख कल्पेश बेदमुथा, दीपक शिंदे, उपेंद्र पाठक, महेश बोराडे, अशोक नारंग, तुषार जोशी आदी मान्यवरांसह गणेश भक्त उपस्थित होते.कार्यक्रमाचे संयोजन श्री निलमणी गणेश मंदिर सार्वजनिक ट्रस्टने केले होते.

अजून बातम्या वाचा..

मनमाडचे प्रसिद्ध उद्योजक अजित सुराणा यांना पुणे विद्यापीठाचा जीवन साधना पुरस्कार जाहीर

मनमाडचे प्रसिद्ध उद्योजक अजित सुराणा यांना पुणे विद्यापीठाचा जीवन साधना पुरस्कार जाहीर

श्री नेमिनाथ जैन ब्रम्हचर्याश्रम संस्थेच्या प्रबंध समितीचे अध्यक्ष श्रीमान मा. अजितभाऊ सुराणा...

read more
करंजवन पाणीपुरवठा योजनेचे १३ फेब्रुवारीला मुख्यमंत्री शिंदे यांच्या हस्ते उद्घाटन

करंजवन पाणीपुरवठा योजनेचे १३ फेब्रुवारीला मुख्यमंत्री शिंदे यांच्या हस्ते उद्घाटन

गेल्या चार दशकांपासून रखडलेला मनमाडचा पाणीप्रश्न अखेर मिटणार असून मनमाडवरचा पाणीटंचाईचा कलंक पुसला...

read more
कंचन ज्वेलर्स आयोजित दिवाळी – नाताळ ऑफर योजनेची सोडत शेकडो ग्राहकांच्या साक्षीने संपन्न

कंचन ज्वेलर्स आयोजित दिवाळी – नाताळ ऑफर योजनेची सोडत शेकडो ग्राहकांच्या साक्षीने संपन्न

मनमाड शहरात सुमारे सात दशकांपासून शुद्धता आणि विश्वासाची परंपरा अबाधित राखत ग्राहकांच्या पसंतीस...

read more
ऑल इंडिया एससी एसटी रेल्वे एम्प्लॉइज असोसिएशनच मध्य रेल्वे झोनल कमिटीने घेतली ना.रामदास आठवले यांची भेट

ऑल इंडिया एससी एसटी रेल्वे एम्प्लॉइज असोसिएशनच मध्य रेल्वे झोनल कमिटीने घेतली ना.रामदास आठवले यांची भेट

ऑल इंडिया एससी/एसटी रेल्वे एम्प्लॉईज असोशियशन मध्य रेल्वे झोनल कमीटी तर्फे केंद्रीय मंत्री रामदास...

read more
चाचा नेहरू बालमहोत्सवामुळे मिळाला बालकांच्या विविध कलागुणांना वाव! -चंद्रशेखर पगारे विभागीय उप आयुक्त महिला व बाल विकास नाशिक

चाचा नेहरू बालमहोत्सवामुळे मिळाला बालकांच्या विविध कलागुणांना वाव! -चंद्रशेखर पगारे विभागीय उप आयुक्त महिला व बाल विकास नाशिक

नाशिक- महिला व बालविकास विभाग,महाराष्ट्र शासन व जिल्हा महिला बाल विकास अधिकारी कार्यालय नाशिक...

read more
[hsas-shortcode group="" speed="10" direction="left" gap="50"]