नाशिक जिल्हा क्रिकेट आसोसिऐशन आयोजित माॅन्सुन लीग या स्पर्धेत शनिवारी झालेल्या सामन्यात भूमी क्रिकेट अकॅडमी ने एन.डि.सी.ए अंडर १४ नाशिक संघावर पहिल्या डावाच्या जोरावर मोठा विजय प्राप्त केला.एक दिवसीय कसोटी सामन्यामध्ये मनमाड संघाने नाणेफेक जिंकुन गोलंदाजी करण्याचे ठरवले.नाशिक संघाने प्रथम फलंदाजी करताना २७.२ षटकात मध्ये १० गडी गमावुन ५५ धावा केल्या. यामध्ये सर्वाधिक बळी कु. कुशाल परळकर (३ बळी) व सार्थक शिंदे (३ बळी) मिळवले. यासोबत आयुष व्यवहारे २ बळी व यशवर्धन बरवट १ बळी मिळवला. ५५ धावांच्या प्रत्युतरात मनमाड संघाने १८५ धावा केल्या ज्यामध्ये सर्वाधिक धावा कर्णधार हसन शेख ( १२८ धावा) यानी बनवल्या. आपल्या पहिल्याच शतकाच्या जोरावर हसन शेख याने आपल्या संघास सहज विजय प्राप्त करुन दिला. नाशिक संघाच्या दुसर्या डावांत १२ षटकानंतर खेळ थांबवण्यात आला ज्यामध्ये नाशिक संघ ५ बाद ३० धावाच बनवु शकले. यात कुशाल परळकर ३ बळी, सार्थक शिंदे १ बळी मिळवण्यात यशस्वी ठरले.सामन्यात सर्वोत्कृष्ट प्रदर्शन करणारा कु.कुशाल परळकर हा सामनावीर ठरला.भूमी क्रिकेट अकॅडमी, मनमाडचे संचालक व कोच सिध्दार्थ रोकडे यांनी या खेळाडुंना मार्गदर्शन केले.भूमी क्रिकेट अकॅडमी मनमाडचे मार्गदर्शक गणेश धात्रक, राजेंद्र पगारे, सुनील पाटील, श्रेणिक बरडिया, भुषण शर्मा, वाल्मिक रोकडे, परवेज शेख, कौशल शर्मा, हबीब शेख, शुभम गायकवाड, सिद्धार्थ बरडीया, नितिन आहेरराव, विक्रम साहु, परेश राऊत, जी एल एस ग्रुप यांनी या खेळाडूंचे अभिनंदन केले. भुमी क्रिकेट अकॅडमीचे आधारस्तंभ इरफान मोमीन यांनी अभिनंदन करुन पुढील सामन्यांसाठी खेळाडुंना शुभेच्छा दिल्या.
खेळातून शरीरबला बरोबर मानवी मन-मेंदू सक्षम व बलवान होण्यासाठी विवेकी विचार-वर्तनाची जोड द्यावी : प्रा.अर्जुन कोकाटे : येवला तालुका स्तरीय शालेय क्रीडा स्पर्धांचे शानदार उदघाटन
येवला (प्रतिनिधी) विविध प्रकारच्या खेळातून शरीरबला बरोबर मानवी मन-मेंदू सक्षम व बलवान हिण्यासाठी...
