नांदगाव तालुक्यातील विविध बंजारा तांड्यांवर सेवालाल जयंती उत्सव मोठ्या उत्साहात साजरा करण्यात आला.बंजारा समाजाचे दैवत भगवान श्री सेवालाल महाराज जयंती निमित्त आमदार सुहास अण्णा कांदे यांच्या पत्नी सौ अंजुम कांदे यांनी वसंत नगर तांडा, मुळडोंगरी तांडा, ढेकु तांडा,येथील कार्यक्रमांना भेट देवून बंजारा समाजाची पारंपरिक वेशभूषा धारण करीत बंजारा समाजातील महिलांसोबत पारंपरिक नृत्य देखील केले.बंजारा समाजाच्या समस्या सोडविण्यास आम्ही बांधील आहोत असा विश्वास याप्रसंगी त्यांनी बंजारा समाजाला दिला तसेच आमदार सुहास अण्णा कांदे यांच्या माध्यमातून सर्व तांड्यावर विकास कामे चालूच राहतील असेही त्यांनी याप्रसंगी सांगितले. विविध तांड्यावर भेट देऊन त्यांनी बंजारा समाजाच्या बंधू भगिनींना शुभेच्छा दिल्या. याप्रसंगी शिवसेना उपजिल्हाप्रमुख महिला आघाडी संगीता बागुल,उज्वला खाडे,भाऊराव बागुल,आण्णासाहेब मुंढे,एन. के.राठोड,अमोल नावंदर आणि बंजारा समाजातील बंधू भगिनी मोठ्या संख्येने उपस्थित होते.
प्रकृती स्कूलचा दिवाळीचा अनोखा आनंदोत्सव पोलिस बांधवांसोबत
दिवाळी हा आनंद, प्रेम, आपुलकी आणि सामाजिक बांधिलकी जपणारा सण. या वर्षाची दिवाळी वेगळ्या पद्धतीने...
