महात्मा गांधी विद्यामंदिर संचलित,कला विज्ञान व वाणिज्य महाविद्यालयात २८ फेब्रुवारी रोजी राष्ट्रीय विज्ञान दिन महाविद्यालयाचे प्राचार्य डॉ ए व्हि पाटील यांच्या मार्गदर्शनाखाली साजरा करण्यात आला. भारताचे प्रथम नोबेल पुरस्कार विजेते वैज्ञानिक डॉ सी व्ही रमण यांनी २८ फेब्रुवारी १९३० ला रॅमन इफेक्ट हा शोधनिबंध सादर केला व त्या शोधासाठी त्यांना नोबेल पुरस्कार मिळाला. या शोधाच्या सन्मानार्थ २८ फेब्रुवारी १९८७ पासुन विज्ञान,माहिती व तंत्रज्ञान या क्षेत्रात विद्यार्थ्यांमध्ये गोडी निर्माण व्हावी यासाठी राष्ट्रीय विज्ञान दिन साजरा केला जातो. या दिनानिमित्त डॉ पवनसिंग परदेशी यांचे ‘वैज्ञानिक दृष्टिकोन’ या विषयावर व्याख्यान आयोजित करण्यात आले.विद्यार्थ्यांनी आपल्या आसपास घडत असलेल्या प्रत्येक गोष्टींकडे डोळसपणे पाहून त्यातील वैज्ञानिकदृष्टीकोन समजून घ्यावा असे त्यांनी सांगितले. या कार्यक्रमात डॉ एस पी खैरनार यांनी विज्ञानाला अध्यात्माची बैठक असेल तरच ते मानव जीवनाला उपयुक्त असेल अन्यथा ते मानवी संहाराला कारणीभूत ठरेल हे उदाहरणसह पटवून दिले .याप्रसंगी महाविद्यालयाची विद्यार्थिनी सलोनी निकाळे व जयेश सूर्यवंशी या विद्यार्थ्यांनी आपले मनोगत व्यक्त केले. या कार्यक्रमाचे सूत्रसंचालन डॉ राहुल शिंदे व आभार प्रदर्शन प्रा.ए आर बुकाने यांनी केले. या कार्यक्रमास विज्ञान विभागाचे पर्यवेक्षक डॉ. सतीश तांबे, प्रा. डब्ल्यू.के. गागरे तसेच विज्ञान विभागाचे शिक्षक व विद्यार्थी मोठय़ा संख्येने उपस्थित होते.
एफ सी आय गहू कामगार पतसंस्थेच्या चेअरमन पदी नंदू बेदाडे
मनमाड शहरातील सामाजिक, शैक्षणिक व आर्थिक क्षेत्रात कार्यरत असलेले नंदू किसन बेदाडे यांची नुकतीच...
