एकदिवसीय कसोटी सामन्यात भूमी क्रिकेट अकॅडमी संघाचा न्यू एकता संघावर दणदणीत विजय

नाशिक जिल्हा क्रिकेट असोसिएशन आयोजित चॅम्पियन ट्रॉफी स्पर्धेच्या अंतिम सामन्यात भूमी क्रिकेट अकॅडमी ने पहिल्या डावाच्या उत्कृष्ट खेळाच्या बळावर विजय प्राप्त केला. एकदिवसीय कसोटी सामन्यामध्ये मनमाड संघाने नाणेफेक जिंकून फलंदाजीचा निर्णय घेवून ४२ षटकांमध्ये ५ बळी गमावून २११ धावा केल्या व डाव घोषित केला.मनमाड संघाच्या अद्वैत पारेख याने सर्वाधिक ९४ चेंडूत ६७ धावा तसेच आयुष व्यवहारे याने ५८ चेंडूत ३७ धावा,मयूर शिंदे ५० चेंडूत २४ धावा बनवल्या. प्रत्युत्तरात नाशिक संघाने फक्त ९४ धावाच करू शकला. मनमाड संघाच्या वतीने गोलंदाजीत आयुष व्यवहारे ने सर्वाधिक ५ बळी तसेच कुशाल परळकर ने ३ बळी व साक्षी शुक्ला याने १ बळी घेत आपल्या संघाला योगदान दिले. पुन्हा एकदा नाशिक संघाला फलंदाजी साठी आमंत्रित केल्यावर नाशिक संघाने दिवसअखेरीस ३ बळी गमावून ४९ धावा करू शकला. सार्थक शिंदे याने २ बळी व कुशाल परळकर याने एक बळी घेत आपल्या संघाच्या विजयात वाटा घेतला. सामन्यात सर्वोत्कृष्ट खेळाचे प्रदर्शन करणारा आयुष व्यवहारे सामनावीर ठरला.भूमी क्रिकेट अकॅडमी चे संचालक व कोच सिद्धा रतग

कोच सिद्धार्थ रोकडे यांचे खेळाडूंना मार्गदर्शन लाभले. माजी नगराध्यक्ष गणेश धात्रक, राजाभाऊ पगारे,भाऊ पाटील,इरफान मोमीन ,श्रेणिक बरदिया,भूषण शर्मा, वाल्मीक रोकडे,परवेझ शेख,कौशल शर्मा, हबीब शेख, शुभम गायकवाड, सिद्धार्थ बरदीया,नितीन आहेराव, ठोंबरे सर, रब्बानी शेख सर, जविद सर, परेश राऊत,gls ग्रुप यांनी विजयी संघाचे तसेच सर्व खेळाडूंचे अभिनंदन केले.