मनमाड महाविद्यालयात क्रांतीज्योती सावित्रीबाई फुले यांचा स्मृतिदिन भावपूर्ण वातावरणात साजरा

दिनांक 10/03/ 2022 रोजी म. गांधी विद्यामंदिर संचलित कला विज्ञान व वाणिज्य महाविद्यालय मनमाड येथे सावित्रीबाई फुले यांचा स्मृतिदिन भावपूर्ण वातावरणात साजरा करण्यात आला.
सदर कार्यक्रमाच्या अध्यक्षस्थानी महाविद्यालयाचे प्राचार्य डॉ अरुण पाटील होते. आपल्या अध्यक्षीय भाषणात त्यांनी सावित्रीबाई फुले यांच्या जीवनावर प्रकाशझोत टाकला तसेच सावित्रीबाई फुले यांच्यामुळेच स्रीयांना आजचे स्थान प्राप्त झाले. सावित्रीबाई ज्योतिराव फुले भारतीय समाजसुधारक आणि कवी होत्या. पती ज्योतिराव फुले यांच्यासमवेत त्यांनी भारतातील महिलांचे हक्क वाढवण्यासाठी महत्त्वपूर्ण काम केले आहे. 1848 मध्ये त्यांनी पुण्यात देशातील पहिली महिला शाळा स्थापन केली. सावित्रीबाई फुले जातीभेद, वर्णभेद आणि लैंगिकतेला तीव्र विरोध दर्शवत होत्या. असे मनोगत व्यक्त केले याप्रसंगी वरिष्ठ महाविद्यालयाचे उपप्राचार्य डॉ. पी.जी. आंबेकर कनिष्ठ महाविद्यालयाच्या उपप्राचार्य श्रीमती ज्योती पालवे महाविद्यालयातील प्राध्यापक व विद्यार्थी उपस्थित होते.