दिनांक 11 मार्च रोजी सायंकाळी सात वाजता नाशिक जिल्ह्याचे पोलिस अधीक्षक सचिन पाटील यांच्या सूचनेनुसार मनमाड पोलिस उपविभागीय अधिकारी श्री समीर सिंह साळवे यांच्या आदेशान्वये येवला शहर पोलीस स्टेशनचे पोलीस निरीक्षक श्री भगवान मथुरे यांच्या उपस्थितीमध्ये अलीकडेच येवला शहरात वाढलेल्या गुन्हेगारीच्या पार्श्वभूमीवर हे कोम्बिंग ऑपरेशन राबवण्यात आले काही दिवसांपूर्वी येवला शहरात चेन स्नॅचिंगच्या घटना सलग घडल्या होत्या यात आगामी सण-उत्सव या काळात कायदा व सुव्यवस्थेचा प्रश्न अबाधित राहण्यासाठी प्रामुख्याने हे कोम्बिंग ऑपरेशन राबविण्यात आले या कोम्बिंग ऑपरेशन दरम्यान शहरातील जुन्या पंचायत समिती समोरून संशयित आरोपी भूषण हिरे यांच्या ताब्यातून दोन तलवारी हस्तगत करण्यात आल्या यानंतर लक्कडकोट भागातून 15 मोटरसायकल सह ओमनी कार देखील पोलिसांनी ताब्यात घेतले असून कागदपत्रांची पडताळणी केल्यानंतरच वाहने मूळ मालकांना परत केली जाणार असल्याची माहिती पोलिस निरीक्षक भगवान मथुरे यांनी दिली आहे
या कोम्बिंग ऑपरेशन च्या कारवाईसाठी येवला शहर पोलीस निरीक्षक भगवान मथुरे,सहाय्यक निरीक्षक नितीन खंडागळे, पोलीस उपनिरीक्षक सुरज मेढे, यांच्यासह 22 पोलीस कर्मचारी महिला पोलीस कर्मचारी व दहा होमगार्ड आदींनी ही कारवाई केली आहे
