केंद्रीय इंजिनिअरिंग रेल्वे वर्कशॉपमध्ये कामगारांच्या विविध समस्यांकडे लक्ष वेधण्यासाठी सेंट्रल रेल्वे मजदुर संघ मनमाड शाखे तर्फे विशाल धरणे आंदोलन करून सहाय्यक मंडल अभियंता कार्यालयावर धडक मोर्चा काढण्यात आला. रेल्वे वर्कशॉपमध्ये विविध शेड ची दुरुस्ती व शेड वरून होणारी गळती रोखावी, स्वच्छता गृहामधील पाण्याची पूर्तता तसेच विविध भागात असलेल्या रेल्वे कॉलोनी मध्ये नियमित पाणी पुरवठा करावा, घरांचे तुटलेले दरवाजे, चोकअप ची समस्या, ड्रेनेज लाइनची दुरुस्ती, भिंतीच्या टाइल्स दुरुस्ती आणि छात्रावास च्या बाजूला असलेल्या रेल्वे क्वार्टरची दुरुस्ती तसेच रेल्वे ओपन लाईन विभागातील कामगारांच्या विविध समस्यांकडे प्रशासनाने लक्ष द्यावे अशी मागणीचे निवेदन सहाय्यक मंडल अभियंता विशाल डोळस यांना देण्यात आले. मागण्या मान्य न झाल्यास यापुढे तीव्र आंदोलनाचा इशारा देण्यात आला. महेंद्र चोथमल यांनी सूत्रसंचलन केले.शशिकांत अडोळकर,गणेश हाडपे, प्रकाश बोडके,इरफान शेख,आनंद गांगुर्डे,नितीन पवार यांनी मनोगत व्यक्त केले.सेंट्रल रेल्वे मजदुर संघ कारखाना शाखा व ओपन लाईन शाखेचे पदाधिकारी मोठ्या संख्येने उपस्थित होते.
गिरणानगर ग्रामपंचायत चे सरपंच उप सरपंच सह कार्यकर्त्यांचा शिवसेनेत प्रवेश
नांदगाव सोमनाथ घोगांणे नांदगाव शहरालगत असलेल्या गिरणानगर ग्रामपंचायतीचे सरपंच सौ.अनिता राहुल पवार...









