राष्ट्रीय स्वयंसेवक संघाच्या प्रमुखसहा उत्सवापैकी एक असणारा गुढीपाडवा उत्सव शहरामध्ये साजरा करण्यात आला.
आय. यु. डी. पी. येथील श्री सप्तशृंगी देवी मंदिरामध्ये राष्ट्रीय स्वयंसेवक संघाच्या गुढीपाडवा उत्सवाचे आयोजन करण्यात आले होते , या कार्यक्रमास प्रमुख वक्ते म्हणुन संघाच्या प्रांत प्रचार मंडळाचे सदस्य श्री रमाकांत मंत्री हे उपस्थित होते , यांनी संघाच्या स्थापनेचे उद्दिष्ट सांगुन , या मागील इतिहास स्पष्ट केला. संघ हा कोणत्याही व्यक्तीला आपला गुरू मानत नसुन भगव्या ध्वजाला आपला गुरू मानत असतो.1925 साली स्थापन झालेला संघ हा लवकरच आपली शताब्दी साजरी करणार असुन , त्यानुसार समाजामध्ये अनेक कार्यक्रमाचे आयोजन करण्यात येणार आहे , संघ आणि समाज यांच्यामध्ये अंतर राहु नये यासाठी जास्तीत-जास्त संघ शाखेची गरज असुन शाखेच्या माध्यमातून समाजाने संघाचे कार्य समजुन घ्यावे असे आव्हान श्री रमाकांत मंत्री यांनी केले. श्री सप्तशृंगी देवी मंदिर येथुन संचालनाला सुरवात होऊन गुरुद्वारा , महात्मा फुले चौक , छत्रपती शिवाजी महाराज चौक , रेल्वे स्टेशन , डॉ. बाबासाहेब आंबेडकर पुतळा , एकात्मता चौक , महात्मा गांधी पुतळा , नेहेरू भवन मार्गे पुन्हा देवी मंदिर येथे संचालनाचा समारोप करण्यात आला.
यावेळी शहरातील राष्ट्रीय स्वयंसेवक संघाचे सर्व पदाधिकारी , स्वयंसेवक , भारतीय जनता पार्टीचे सर्व पदाधिकारी आणि शहरातील नागरिक उपस्थित होते.
