मनमाड महाविद्यालयाच्या राष्ट्रीय सेवा योजना विभागातर्फे पोषण पंधरवडानिमित्त जनजागृती

महात्मा गांधी विद्यामंदिर संचलित, कला विज्ञान आणि वाणिज्य महाविद्यालय मनमाड यांच्या राष्ट्रीय सेवा योजना विभागाकडून मनमाड येथील अंगणवाडी क्र. ८१ मध्ये पोषण पंधरवडानिमित्त प्राचार्य डॉ.ए. व्हि.पाटील व उपप्राचार्य डॉ.पी.जी.आंबेकर यांच्या मार्गदर्शनाखाली राष्ट्रीय सेवा योजनेच्या स्वयंसेवक व स्वयंसेविकामार्फत जनजागृती करण्यात आली. या कार्यक्रमाद्वारे अंगणवाडीतील लहान मुले व त्यांच्या आई-वडिलांना संतुलित आहाराबद्दल माहिती व रोजच्या दैनंदिन जीवनामध्ये आहाराचे महत्त्व अशा विविध बाबी समजून सांगण्यात आल्या. या कार्यक्रमात रासेयो कार्यक्रम अधिकारी डॉ पी बी परदेशी, प्रा. देसले, डॉ. सारिका गुजराथी यांनी विविध उदाहरणांद्वारे पोषण आहाराचे महत्त्व विशद केले. कार्यक्रमाच्या शेवटी लहान मुलामुलींना चिक्की वाटप करण्यात आले तसेच स्वयंसेवक व स्वयंसेवकांकडून पोषण आहाराचे महत्त्व विषद करणारे पोस्टर बनवून ती अंगणवाडीमध्ये लावण्यात आली. अशाच कार्यक्रमाचे आयोजन मनमाडच्या विविध भागांमध्ये आगामी काळात करण्यात येणार आहे. या कार्यक्रमाच्या यशस्वीतेसाठी अंगणवाडीच्या सेविका मनीषा वाघ, सीमा चौधरी, रासेयो कार्यक्रम अधिकारी डॉ गणेश गांगुर्डे, प्रा. वर्षाराणी पेडेकर यांचे विशेष सहकार्य लाभले. या कार्यक्रमाचे सूत्रसंचालन महेश महाले व कांचन बर्डे यांनी केले.