देखना है कल..तोह चलाओ सायकल, स्वामिनी सायकलिस्ट क्लब चे उद्घाटन संपन्न !

मनमाड शहरात प्रथमच खास महिलांसाठी महिलांनी पुढाकार घेत सायकलिस्ट क्लब ची स्थापना करीत दररोज सायकल चालवून आरोग्य ठणठणीत ठेवण्याचा निर्धार व्यक्त केला. नाशिकच्या रॉयल रायडर्स ह्या क्लब अंतर्गत स्वामिनी सायकलिस्ट क्लब ची मुहूर्तमेढ मनमाड च्या महिलांनी पुढाकार घेत केली असून ह्या क्लब चे उद्घाटन येथील भगवान वाल्मिकी स्टेडियम येथे वेटलिफ्टींग प्रकारात मनमाड शहराचे नाव देश पातळीवर नेणाऱ्या आकांक्षा व्यवहारे च्या आई सौ.हेमा व्यवहारे ह्यांच्या शुभ हस्ते करण्यात आले. क्लब च्या अध्यक्षा सौ.संगीता कदम – देसले यांनी प्रास्ताविक करीत सायकल चालविण्याचे फायदे विषद केले.क्लबच्या सचिव डॉ.संगीता हाके व कार्याध्यक्षा डॉ.सौ अर्चना राठी यांनी सायकलिंग केल्याने आरोग्य सुधारते , कॅलरीज बर्न होतात, मुड सुधारतो, पाय मजबूत होतात असे अनेक फायदे सायकलिंग चे असल्याचे सांगितले. दिवसेंदिवस पेट्रोल आणि डिझेल मध्ये होणारी वाढ, वाहनांचा खर्च, प्रदूषण आणि तापमान वाढतच असून हे रोखण्याकरीता सायकलिंग करणे हा सर्वात चांगला आणि आरोग्यदायी उपाय असून जास्तीत जास्त महिलांनी सायकल चालविण्याचा निर्धार करावा असे आवाहन केले. यावेळी पुष्पा मतकर,स्नेहल भागवत,योगिता जंगम, सौ.कोल्हे, शुभांगी देशमुख, रेखा येणारे,वैशाली वाणी, सौ.पांडे, सौ पाटील, सौ सोनार,अंशिता जंगम,गौरी पाटील, खुशी प्रवीण मोरे,विधी गंभीरे,सिध्दी कोल्हे,हेमांगी मुळचंदानी, तेजल दखणे आदी उपस्थित होत्या.दररोज सायकलिंग करण्याचा निर्धार या वेळेस उपस्थित महिलांनी करत मैत्रिणींनाही यात सहभागी करून घेऊ या अशी प्रतिक्रिया उपस्थित महिलांनी दिल्या. कार्यक्रम यशस्वीतेसाठी मधुरा देसले, दीदी देवरे यांचे सहकार्य लाभले.