आधुनिक भारतीय चित्रकलेचे जन्मदाते ,तैल रंग माध्यमात चित्र काढणारे प्रथम भारतीय विख्यात चित्रकार, राजा रवी वर्मा यांची जयंती.
आज सर्व विश्वात ज्या हिंदूं देवी- देवतांच्या प्रतिमेची सर्वजण मनोभावे पूजा अर्चना करत आहे त्या हिंदूं देवी – देवतांना मनमोहक चेहरा व रूप देणारे ‘चित्रकलेचे पितामह’ राजा रवी वर्मा यांचा जन्मदिन.
केरळ मध्ये किलिमानूर शहरात 29 एप्रिल 1848 रोजी राजा रवी वर्मा यांचा जन्म झाला. पौराणिक हिंदूं महाकाव्य व धर्मग्रंथावरील त्यांची चित्रे विशेष लोभस व आकर्षक आहेत. भारतीय साहित्य व संस्कृती मधील पात्रांचे आकर्षक चित्रण त्यांनी केले.महालात व संग्रहालयात उच्चभ्रू लोकांपर्यंतच् आपली चित्रे सिमित राहू नये व ती सर्व साधारण लोकांपर्यंत पोहचावीत म्हणून त्यांनी भारतात पहिली ‘ लिथोग्राफिक प्रेस ‘ सुरु केली. त्यात त्यांची चित्रे छापुन सर्व घरापर्यंत पोहचली. मंदिरातिल देवी – देवतांना बाहेर आणले व चित्र स्वरूपात प्रत्येक घरा घरा मध्ये स्थान प्राप्त करून दिले.
चित्रकलेत त्यांनी नवनवीन प्रयोग व अध्ययन केले. वडोदरा(गुजरात)येथील लक्ष्मीविलास पॅलेस संग्रहालयात त्यांची अनेक चित्रे संग्रहित आहेत. भारतीय चित्रकलेला विश्वामध्ये शिखरावर स्थान निर्माण करून देणाऱ्या चित्रकलेच्या या राजाला रंगीत खडू माध्यमातील फलक रेखाटनातून विनम्र अभिवादन !
- देव हिरे. ( कला शिक्षक ,’शिक्षण मंडळ भगूर ‘ संचालित, नूतन माध्यमिक विद्यालय,भाटगाव. ता. चांदवड. जि. नाशिक.)
