मनमाड – येवला रोडवरील अनकवाडे शिवारात कार रात्री झालेल्या भीषण अपघातात चार तरुण जागीच ठार झाले तर एक गंभीर जखमी झाला आहे.मध्यरात्रीच्या सुमारास हा अपघात झाला.या अपघात इतका भीषण होता की कार अक्षरशः चक्काचुर झाली आहे.अपघातात तौफिक शेख,दिनेश भालेराव ,प्रवीण सकट,गोकुळ हिरे हे जागीच ठार झाले तर अजय वानखेडे हा गंभीर जखमी झाला असून त्याच्यावर मनमाडच्या उपजिल्हा रुग्णालयात प्राथमिक उपचार करून पुढील उपचारासाठी नाशिकला हलविण्यात आले आहे. याबाबत चे सविस्तर माहिती अशी की हे पाच ही मित्र काल येवल्याकडून मनमाडला येत असताना येवल्याकडे जाणाऱ्या भरधाव कंटेनर ने कट मारल्याने चालकाचा गाडीवरील नियंत्रण सुटल्याने गाडी समोरील झाडावर जाऊन आदळली.यात या चार ही जिवलग मित्रांचा दुर्दैवी मृत्यू झाला तर एक जण गंभीर जखमी झाला आहे. ही घटना सकाळी वाऱ्यासारखी शहरात पसरताच संपूर्ण मनमाड शहरावर शोककळा पसरली आहे
