श्री स्वामी समर्थ सेवा अध्यात्मिक विकास व बाल संस्कार केंद्र दिंडोरी प्रणित,मनमाड येथे परम पूज्य गुरुमाऊली अण्णासाहेब मोरे व आदरणीय आबासाहेब मोरे यांच्या मार्गदर्शनाने विवाह संस्कार विभाग आयोजित ‘सर्व जाती धर्मीय वधू-वर परिचय मेळाव्यास उत्स्फूर्त असा प्रतिसाद लाभला. यावेळी जिल्हाभरातून तसेच जिल्ह्याबाहेरील मुला-मुलींनी उपस्थिती लावली. यावेळी असंख्य विवाह इच्छुक मुला-मुलींनी आपले नाव नोंदणी करून परिचय करून दिला याप्रसंगी अनेक विवाह जमण्यास असून ऑनलाईन सेवेद्वारे उपवर मुला-मुलींना अनेक स्थळे दाखविण्यात आले.तत्पूर्वी कार्यक्रमाचा शुभारंभ माजी नगराध्यक्ष गणेश धात्रक व माजी नगराध्यक्ष राजाभाऊ पगारे यांच्या उपस्थितीत तसेच शहरातील प्रत्येक समाजाच्या प्रतिनिधी द्वारे दीप प्रज्वलन करून कार्यक्रमाची सुरुवात करण्यात आली. सदर मेळावा यशस्वी करण्यासाठी परभणी,नासिक,सिन्नर नांदगाव,चांदवड,
येवला व मनमाड केंद्रातील सेवेकरी द्वारे नियोजन करण्यात आले.
