गुरुवार दि. १९ मे रोजी नाशिक येथे १६ वर्षातंर्गत झालेल्या हाकीम ट्रोफी स्पर्धेत भुमी क्रिकेट अकॅडमी मनमाड विरुध्द एस जी सी ए नाशिक अंडर १६ या संघामध्ये झालेल्या सामन्यात भूमी क्रिकेट अकॅडमी संघाने ५ गडी राखत विजय प्राप्त केला. ४५ षटकांच्या या सामन्यामध्ये मनमाड संघाने नाणेफेक जिंकुन गोलंदाजी करण्याचे ठरवले. एस जी सी ए नाशिक संघाने प्रथम फलंदाजी करताना २८.२ षटकांत सर्वबाद १५० धावा केल्या.या धावांचा पाठलाग करत असताना मनमाड संघाने ३२.५ षटकात हा सामना ५ गडी गमवत सहजरित्या जिंकला. सामण्यात सर्वाधिक धावा करणारा मनमाड संघाचा फलंदाज अंशुमान अविनाश सरोदे ( ६० नाबाद धावा , ७२ चेंडु , ८ चौकार ) हा सर्वोत्कृष्ठ फलंदाज ठरला तसेच अष्टपैलु कामगीरी करणारा वेदांत वाल्मिक कांदळकर ( ७ षटक, ३४ धावा ४बळी व फलंदाजी मध्ये ३७धावा , ७ चौकार ) हा सामनावीर ठरला. गोलंदाजी मध्ये भुमी संघातील रुषी कैलास शर्मा यानेही ७षटकात ३२ धावा देत ४ बळी मिळवले.
भूमी क्रिकेट अकॅडमी, मनमाड चे संचालक व कोच सिध्दार्थ रोकडे यांचे खेळाडुंना मार्गदर्शन लाभले.
भूमी क्रिकेट अकॅडमी मनमाड चे मार्गदर्शक राजाभाऊ पगारे , परवेज शेख , हबीब शेख , सिद्धार्थ बरडीया , कौशल शर्मा , शुभम गायकवाड , नितीन आहिरराव , सनी अरोरा सर , रोहित पवार व इतर मनमाड मधील खेळाडुवर्गांने या खेळाडूंचे अभिनंदन केले. भुमी क्रिकेट अकॅडमीचे आधारस्तंभ इरफान मोमीन यांनी खेळाडुंना पुढिल सामण्यासाठी शुभेच्छा दिल्या.
