चांदवड रोड वर महिलेच्या गळ्यातील ६ तोळे सोन्याची पोत खेचत अज्ञाताचा पोबारा

मनमाड येथील चांदवड रोड येथील सगळे लॉन्स मध्ये नातेवाईकांच्या विवाहाच्या हळदी समारंभ आटोपून घरी परतण्यासाठी वाहनाची प्रतीक्षा करणाऱ्या छाया रमेश सानप, वय ५७ वर्ष यांच्या गळ्यातील सहा तोळे वजनाची सुमारे दोन लाख सत्तर हजार रुपये किमतीची सोन्याची पोत समोरून पांढरा शर्ट परिधान केलेल्या डबलसीट आलेल्या दुचाकीस्वाराने खेचून चांदवडच्या दिशेने धूम ठोकली. छाया सानप यांच्या तक्रारीवरून मनमाड शहर पोलीस स्थानकात चोरीचा गुन्हा दाखल करण्यात आला असून उपनिरीक्षक जी.यु.तायडे पुढील तपास करीत आहेत.