महाराष्ट्र रोइंग असोसिएशनच्या वतीने पुणे येथे झालेल्या राज्यस्तरीय रोइंग चॅम्पियनशिप मध्ये नाशिकच्या तीन खेळाडूंनी सुवर्णपदक मिळविले आहे. या स्पर्धा १९ ते २२ मे या कालावधीत पुणे येथील रोइंग नोड येथे संपन्न झाल्या, स्पर्धेच्या तिसऱ्या दिवशी ५०० मी सिंगल आणि डबल स्कल प्रकारात नाशिकच्या दत्तू भोकनळ स्पोर्ट्स इन्स्टिट्यूटच्या खेळाडूंनी चमकदार कामगिरी करत सुवर्ण पदक पटकावले.
याबाबत अधिक माहिती देताना दत्तू भोकनळ स्पोर्ट्स इन्स्टिट्यूटचे संचालक अर्जुन पुरस्कार विजेते दत्तू भोकनळ यांनी सांगितले कि, अवघ्या तीन महिन्याच्या सरावाच्या जोरावर इन्स्टिट्यूटमधील कृष्णा रवींद्र शेळके (सिंगल स्कल), धनंजय सुभाष निकम (डबल स्कल), पंकज विश्राम वाढ (डबल स्कल) यांनी सुवर्णपदकाची कमाई केली आहे. आता त्यांची निवड जम्मू आणि काश्मीर येथे होणाऱ्या चॅलेंजर नॅशनल चॅम्पियनशिप साठी झाली आहे.
त्याबद्दल नाशिक जिल्ह्याचे पालक मंत्री छगन भुजबळ साहेब, जिल्हा क्रीडा अधिकारी नाशिक राजेश बागुल सर, महाराष्ट्र रोईंग असोसिएशनचे अध्यक्ष कृष्णकांत हेबळेकर सर , सरचिटणीस संजय जी वळवी सर , कै. वंदना कुंडलिक बोऱ्हाडे संस्थेचे संस्थापक अध्यक्ष अश्विनी बोऱ्हाडे. तसेच सरचिटणीस श्रीकृष्ण बोऱ्हाडे यांनी खेळाडूंचे अभिनंदन केले.
