Breaking News

[post-marguee]

[ays_poll id=7]

संभाजी राजेंच्या उमेदवारीवरून मराठा क्रांती मोर्चा आक्रमक

May 25, 2022

छत्रपती संभाजीराजे यांचे अद्याप तळ्यात-मळय़ात सुरू असल्याने शिवसेनेने राज्यसभेच्या दुसऱ्या जागेकरिता कोल्हापूर जिल्हाप्रमुख संजय पवार यांच्या उमेदवारीचा विचार सुरू केला. ‘राजांइतकेच मावळेही महत्त्वाचे असतात’ अशा शब्दांत खासदार संजय राऊत पवार यांच्याच नावावर शिक्कामोर्तब होण्याचे संकेत दिले आहेत. असं असतानाच आता शिवसेनेकडून छत्रपती संभाजीराजेंच्या अपक्ष उमेदवारीला विरोध केला जात असल्याचा दावा करत मराठा क्रांती मोर्चाने शिवसेनेचे खासदार संजय राऊत यांच्यावर कठोर शब्दांमध्ये टीका केलीय. संजय राऊत यांचा सत्तेचा माज महाराष्ट्रातील शिवप्रेमी जनता उतरवेल, असा इशारा मराठी क्रांती मोर्चाने दिलाय. राज्यसभेच्या दुसऱ्या जागेकरिता शिवसेनेने कोल्हापूरचे छत्रपती संभाजीराजे यांना उमेदवारी देण्याची तयारी दर्शविली आहे. फक्त त्यांनी शिवसेनेत प्रवेश करावा व पक्षाचे अधिकृत उमदेवार म्हणून रिंगणात उतरावे ही अट संभाजीराजे यांना घालण्यात आली आहे. अपक्ष म्हणून महाविकास आघाडीने पाठिंबा द्यावा, अशी संभाजीराजे यांची भूमिका आहे. या साऱ्या घडामोडी घडत असतानाच शिवसेनेने संभाजीराजे यांना सूचक इशारा दिला. कोल्हापूर शिवसेनेचे जिल्हाप्रमुख संजय पवार यांना राज्यसभेची दुसरी उमेदवारी देण्याची तयारी शिवसेनेने सुरू केली. संभाजीराजे हे कोल्हापूरचे आहेत. यामुळेच कोल्हापूरच्या दुसऱ्या नेत्याला उमेदवारी देण्याची रणनीती शिवसेनेने आखली. या सर्व घडामोडींबाबत शिवसेनेचे खासदार व मुख्य प्रवक्ते संजय राऊत यांनी शिवसेनेच्या दुसऱ्या उमेदवाराबाबत सांगितले की संजय पवार हे दुसऱ्या जागेसाठी उमेदवारी अर्ज भरत आहेत. मात्र, उमेदवारीबाबत अधिकृत घोषणा मुख्यमंत्री व शिवसेना पक्षप्रमुख उद्धव ठाकरे करतील.छत्रपती संभाजीराजे यांचा आम्ही सन्मान करतो. पण राजांइतकेच मावळेही महत्त्वाचे असतात, असेही ते म्हणाले. दरम्यान संभाजी राजेंच्या उमेदवारीवरून  मराठा क्रांती मोर्चा आक्रमक होत असून मराठा क्रांती मोर्चेचे समन्वयक अंकुश कदम यांनी प्रसारमाध्यमांसाठी जारी केलेल्या व्हिडीओमधून संजय राऊत यांना इशारा दिलाय. “छत्रपतींच्या अपक्ष उमेदवारीला संजय राऊत सातत्याने विरोध करताना दिसत आहेत. एकीकडे प्रियंका चतुर्वेदी, उर्मिला मातोंडकर यांना कुठल्याही प्रकारच्या अटी शर्थी न घालता राज्यसभेवर पाठवण्याची तयारी दाखवता आणि ज्या छत्रपतींच्या नावावरती एवढं वर्ष राजकारण करत आहेत, सत्ता भोगत आहेत (त्यांनाच विरोध करता.) या शिवसेनेचा ‘शिव’च आमच्या छत्रपतींचा आहे, असं असताना देखील संजय राऊत हे सातत्याने विरोध करताना दिसत आहेत,” असं म्हणत मराठा क्रांती मोर्चाने शिवसेनेविरोधात नाराजी व्यक्त केलीय. पुढे बोलताना अंकुश कदम यांनी थेट शिवसेनेचे प्रवक्ते आणि खासदार असणाऱ्या संजय राऊतांना इशारा दिलाय. “संजय राऊत तुमचा हा सत्तेचा माज महाराष्ट्रातील शिवप्रेमी जनता उतरवल्याशिवाय राहणार नाही. २०२४ ला तुम्हाला याची राजकीय किंमत मोजावी लागेलच पण छत्रपती संभाजीराजे अपक्षच निवडणूक लढवणार,” असं कदम म्हणाले संभाजीराजे हे अद्यापही शिवसेनेत प्रवेश करण्यास अनुकूल नाहीत. येत्या दोन दिवसांत संभाजीराजे यांच्याबद्दल अंतिम निर्णय घेतला जाईल, असे शिवसेनेच्या गोटातून सांगण्यात आले.

अजून बातम्या वाचा..

नांदगाव रेल्वे स्टेशन वर बंद असलेले प्रवाशी गाड्यांचे थांबे त्वरीत सुरु करणे साठी प्रवाशी संघटनेची सामुहीक बैठक .

नांदगाव रेल्वे स्टेशन वर बंद असलेले प्रवाशी गाड्यांचे थांबे त्वरीत सुरु करणे साठी प्रवाशी संघटनेची सामुहीक बैठक .

नांदगाव : याबाबत वृत असे की नांदगाव रेल्वे स्टेशन वर कोविड १९ चे कारणाने रेल्वेने प्रवाशी गाडयांचे...

read more
राशी भविष्य 07ऑगस्ट 2022

राशी भविष्य 07ऑगस्ट 2022

मेष राशी :  कदाचित आपणास अडचणींचा सामना करावा लागू शकतो, त्यामुळे आपले संतुलन ढळू देऊ नका वृषभ...

read more
पवित्र श्रावण महिन्यानिमित्ताने निसर्गरम्य आणि प्राचीन वरदडी येथील शनिमंदिर येथे भाविकांची गर्दी….

पवित्र श्रावण महिन्यानिमित्ताने निसर्गरम्य आणि प्राचीन वरदडी येथील शनिमंदिर येथे भाविकांची गर्दी….

मनमाड (योगेश म्हस्के): चांदवड तालुक्यातील उसवाड वरदडी येथील निसर्गाने नटलेले अतिप्राचीन श्री...

read more
नांदगाव तालुक्यातील ग्रामपंचायत निवडणूकीचे निकाल जाहीर ; अनेक ठिकाणी युवकांनी मारली बाजी

नांदगाव तालुक्यातील ग्रामपंचायत निवडणूकीचे निकाल जाहीर ; अनेक ठिकाणी युवकांनी मारली बाजी

नांदगाव (सोमनाथ घोंगाणे): नांदगाव तालुक्यातील फुलेनगर, क्रांतीनगर, गिरणानगर, मल्हारवाडी, हिंगणवाडी...

read more
[hsas-shortcode group="" speed="10" direction="left" gap="50"]