सराफ दुकानात गर्दीचा फायदा घेऊन सोन्याच्या दागिन्यांची चोरी करणाऱ्या लासलगाव येथील महिलेला पोलिसांनी ताब्यात घेतले आहे.शहादा पोलिस स्थानकाने सराफ दुकानातून चोरी करणा-या महिलांचे व्हॉटसअपवर फोटो व्हायरल केल्यानंतर सदर फोटोच्या माहितीच्या आधारे लासलगाव पोलिसांनी संजयनगर येथील महिला सरला कापसे (वय ३० वर्षे) हिला ताब्यात घेऊन तिच्याकडून ९० हजार रुपयाचे सोन्याचे दागिने जप्त केले. या महिलेच्या राहत्याघरी महिला अंमलदार सोनाली शिंदे यांनी संबंधित महिलेची अंग झडती घेतली असता तिच्या ताब्यात सोन्याची पोत, मनी , मंगळसूत्र मिळून आले. सदर सोन्याच्या वस्तुबाबत तिच्याकडे विचारपुस केल्यानंतर तिने उडवा उडवीचे उत्तरे दिली. त्यानंतर या महिलसे पोलीसी खाक्या दाखविताच महिलेने मीना कापसे, रामदास शिंदे यांचे सोबत परिणीता ज्वेलर्स, प्रकाशा, ता शहादा जिल्हा नंदूरबार येथून चोरी केल्याची कबुल केले. ही कामगिरी सहा पोलीस निरीक्षक राहुल वाघ यांचे मार्गदर्शनाखाली पोलीस उप निरीक्षक अजिनाथ कोठाळे, पोहवा कैलास महाजन, पोना संजय देशमुख, उषा आहेर पोकॉ प्रदिप आजगे, सोनाली शिंदे, माया वाघ यांच्या पथकाने केली. या चोरी प्रकरणी शहादा येथील अश्विन बाळकृष्ण सोनार यांनी फिर्याद दिली असून शहादा पोलीस ठाण्यात भादवि कलम ४२०, ३४ प्रमाणे गुन्हा दाखल करण्यात आला आहे. या गुन्हयाचा तपास लासलगाव पोलिसांनी लावला.
नांदगाव, मारुती जगधने ६ मे 2025 तालुक्यातील उपलब्ध जलसाठे,त्यातील क्षमता, व शेती सिंचनाच्या दृष्टीने संबंधित अधिकाऱ्यांसोबत आमदार सुहास कांदे यांची आढावा बैठक संपन्न.
तालुक्यात दोनशेच्या वर पाझर तलाव बंधारे लहान मोठे धरणे असून त्यातील गाळ काढून आहे त्या...
