याबाबत वृत असे की नांदगांव नगर परिषद शिक्षण मंडळाच्या शाळेच्या ईमारती या खुपच मोडकळीस आल्या होत्या विद्याथ्यांचे फारच हाल होत होते. या शाळांना काही महिन्यापुर्वी सौ अंजुम कांदे यांनी समक्ष भेट देत पाहणी केली होती . यात शाळांची परिस्थिती अत्यंत बिकट असल्याचे त्यांना जाणवले, शाळेच्या इमारती जुन्या झाल्यामुळे मोडकळीस आलेल्या आहेत, या मुळे विद्यार्थ्यांना शिक्षण घेणे असुरक्षित वाटू लागले होते .त्यांच्या जीवितास धोका निर्माण होईल असे लक्षात आले, एकंदरीत सर्व परिस्थिती सौ.कांदे यांनी आ. सुहास कांदे यांच्या निदर्शनास आणून दिल्यानंतर आ .सुहास कांदे यांनी सर्व शाळांची माहिती गोळा करून शासनाकडे सर्व इमारतींच्या नूतनीकरणाची मागणी पत्राद्वारे केली तसेच नगरविकास खात्याचे मंत्री एकनाथ शिंदे यांना समक्ष भेटून परिस्थिती समजावून सांगितली असता बुधवार दिनांक आठ जून रोजी मनमाड व नांदगाव नगरपरिषद शाळांच्या ईमारत दुरुस्ती साठी एकूण जवळपास दहा कोटी रुपयांचा निधी मंजूर करून प्रशासकीय मान्यतेची प्रत प्राप्त झाली आहे.
आ.सुहास कांदे यांच्या माध्यमातून नांदगाव मनमाड शहरातील जवळपास सर्वच शाळांचे नुतनीकरण होणार असल्या कारणाने शिक्षक, विद्यार्थी व पालकांमध्ये आनंदाचे वातावरण आहे.नांदगाव नगरपालिकेच्या शाळासाठी दोन कोटी पन्नास लक्ष तर मनमाड नगरपालिकेच्या शाळासांठी सात कोटी पन्नास लक्ष रूपये मंजूर झाल्याचे प्रसिध्दी पत्रकात म्हटले आहे.
आ .सुहास कांदे यांची प्रतिक्रिया
नगर परिषद शाळेच्या मोडकळीस आलेल्या इमारतींमुळे विद्यार्थ्यांना शिक्षण घेणे धोक्याचे असल्याचे लक्षात येताच नगर विकास खात्याचे मंत्री एकनाथ शिंदे यांच्याकडे निधीची मागणी केली आणि साहेबांनी त्वरित त्यास मंजुरी दिली लवकरच सर्व शाळेच्या इमारत दुरुस्तीचे काम सुरू होईल व विद्यार्थ्यांना सुरक्षित वातावरणात शिक्षण घेणे सोपे जाईल.
