राष्ट्रवादी काँग्रेस पक्षाच्या २३ व्या वर्धापन दिनाचे औचित्य साधत मनमाड शहर राष्ट्रवादी काँग्रेस शहर शाखेच्या वतीने विविध कार्यक्रमांचे आयोजन करण्यात आले होते. राष्ट्रवादी काँग्रेस पक्षाच्या सर्व पदाधिकारी आणि कार्यकर्त्यांनी पक्षाचा ध्वज आपापल्या घरावर लावून वर्धापन दिनास सुरुवात केली.इयत्ता १२ वी च्या परीक्षेत मनमाड शहरातील विविध शाखेत प्रथम,द्वितीय आणि तृतीय आलेल्या विद्यार्थ्यांचा सत्कार करून उचित गौरव करण्यात आला. सायंकाळी शहरातील पाकिझा कॉर्नर येथून रॅली काढून सर्व महापुरुषांच्या पुतळ्याला पुष्पहार अर्पण करण्यात आले.या वेळी राष्ट्रवादी काँग्रेस चे तालुकाध्यक्ष विजुभाऊ पाटील,मनमाड शहराध्यक्ष दीपक गोगड,कार्याध्यक्ष नाना शिंदे,सेवादल जिल्हाध्यक्ष राजाभाऊ जाधव, अ.स.तालुका अध्यक्ष हबीब शेख, महिला शहराध्यक्षा अपर्णा देशमुख, मा.उपनगराध्यक्ष प्रकाश बोधक,जावेद शेख, आनंद बोथरा, श्रीराम कातकडे, फिरोझ शाह,पवन अहिरे, रुबिना शाह, माया झालटे,कोमल नीकाले,तावडे ताई,प्रियांका बोथरा, श्रद्धा अहिरे, गण प्रमुख राजेंद्र निकम,उमेश जेजूरकर यांसह राष्ट्रवादी पार्टीचे कार्यकर्ते उपस्थित होते.
