मनमाड महाविद्यालयात वाणिज्य शाखेची कु.अवधी संकलेचा प्रथम

मनमाड : येथील कला विज्ञान व वाणिज्य कनिष्ठ महाविद्यालयाचा मार्च/एप्रिल 2022मध्ये झालेल्या इ. बारावी बोर्ड परीक्षेचा निकाल दिनांक 8 जून 2022 रोजी ऑनलाइन जाहीर झाला असून कु.अवधी संदीप संकलेचा या विद्यार्थिनीने महाविद्यालयातील कला विज्ञान व वाणिज्य या तीनही शाखेतील विद्यार्थ्यांमध्ये सर्वाधिक 89.00% गुण मिळवून प्रथम क्रमांक पटकावला. तसेच विज्ञान शाखेत कु. धींगे वैभवी सचिन 88.66% तर कला शाखेत कु.हराळे पलक सतीश या विद्यार्थिनीने 75.83% टक्के गुण मिळवून प्रथम क्रमांक पटकाविला. या विद्यार्थ्यांचे महात्मा गांधी विद्यामंदिर व आदिवासी सेवा समिती संस्थेचे जनरल सेक्रेटरी समाजश्री मा. डॉ.प्रशांत दादा हिरे , संस्थेचे समन्वयक मा. डॉ. अपूर्वभाऊ हिरे, युवा नेते मा. डॉ. अद्वयआबा हिरे , संस्थेच्या सांस्कृतिक विभाग प्रमुख श्रीमती संपदा दीदी हिरे, महाविद्यालयाचे प्राचार्य डॉ अरुण पाटील, वरिष्ठ महाविद्यालयाचे उपप्राचार्य डॉ प्रमोद आंबेकर,कनिष्ठ महाविद्यालयाच्या उपप्राचार्य ज्योती पालवे सर्व प्राध्यापक. व शिक्षक बंधू भगिनी आणि शिक्षकेतर कर्मचारी यांनी उत्तीर्ण विद्यार्थ्यांचे अभिनंदन केले.