मनमाड शहरातील अग्रगण्य असलेली प्रगती अर्बन को – ऑप बँकेच्या निवडणुकीचा कार्यक्रम जाहीर

मनमाड शहरातील अग्रगण्य असलेली प्रगती अर्बन को – ऑप बँकेच्या निवडणुकीचा कार्यक्रम जाहीर करण्यात आला आहे. एकूण १५ संचालक पदांसाठी ही निवडणूक होणार असून सर्वसाधारण जागा १०, अनु.जाती/ जमाती प्रतिनिधी १,महिला प्रतिनिधी २,इतर मागास प्रतिनिधी १, भटक्या विमुक्त जाती/जमाती/ विशेष मागास प्रवर्ग प्रतिनिधी १ असे एकूण १५ जागांसाठी निवडणूक कार्यक्रम जाहीर करण्यात आला आहे. एकूण ३७६१ मतदार असलेल्या प्रगती बँकेची मागची निवडणूकही आरोप – प्रत्यारोपाने गाजली होती.मंगळवार १४/६/२०२२ ते सोमवार २०/६/२०२२ यादरम्यान सकाळी ११ ते दुपारी ३ वाजे पर्यंत नामनिर्देशन पत्रे दाखल करण्यात येणार असून जसजशी नामनिर्देशन पत्रे प्राप्त होतील तसे रोज संध्याकाळी ४ वाजता नामनिर्देशन पत्र सूची प्रसिद्ध करण्यात येईल. दाखल झालेल्या नामनिर्देशन पत्रांची छाननी मंगळवार दिनांक २१/६/२०२२ सकाळी ११ वाजता होणार असून दिनांक २२/६/२०२२ रोजी वैध नामनिर्देशन पत्राची सूची प्रसिद्ध करण्यात येणार आहे. २२/६/२०२२ ते ०६/०७/२०२२ या कालावधीत माघार घेऊ शकता. ०७/०७/२०२२ रोजी निवडणूक लढणाऱ्या उमेदवारांना निशाणीचे वाटप व अंतिम यादी प्रसिद्ध करण्यात येणार असल्याचे जाहीर करण्यात आले आहे. रविवार १७/७/२०२२ रोजी मतदान होणार असून सकाळी ८ ते दुपारी ४ वाजेपावेतो वेळ असणार आहे. मतमोजणी मतदानाच्या दुसऱ्या दिवशी म्हणजे १८/७/२०२२ रोजी होणार असून निकाल जाहीर केला जाईल.