नांदगाव (सोमनाथ घोंगाणे) : नांदगाव तालुक्यातील तालुक्यातील श्री क्षेत्र नस्तनपुर हे साडे तीन शक्तीपीठापैकी एक प्रमुख पीठ आहे. येथे श्री शनिदेव महाराजांची स्वयंभु मुर्ती आहे.
आज तिसऱ्या शनिवार निमीत्त भाविकांची मोठी गर्दी झाली होती. आजच्या मुख्य आरतीचे यजमान नांदगाव येथील पत्रकार सोमनाथ घोंगाणे व सौ. वैशाली घोंगाणे यांच्यासह संजीवनी साखर कारखान्याचे चेअरमन विवेक कोल्हे तसेच बोलठाण येथील व्यापारी गोकुळशेट कोठारी, ढेकू येथील गोटू सुर्यवंशी यांच्या हस्ते श्री शनिदेव महाराजांच्या मुर्तीची पुजा करून आरती करण्यात आली .
यानंतर सोमनाथ घोंगाणे, गोकुळ कोठारी, गोटू सुर्यवंशी यांच्या हस्ते भाविकांना साबुदाणा खिचडी चे वाटप करण्यात आले. याप्रसंगी देवस्थान ट्रस्ट चे सेक्रटरी माजी आ. अनीलदादा आहेर,विश्वस्त नारायणशेट अग्रवाल, उदयअप्पा पवार खासेराव सुर्वे,विजय चोपडा ट्रस्ट चे कर्मचारी सुनील पवार यांनी यजमानांचे स्वागत केले. यावेळी मोठया संख्येने भावीक उपस्थित होते.
