नांदगाव : तालुक्यातील तांदुळवाडी येथील श्री सिद्धबाबा धर्मनाथ जी महाराज सेवाभावी संस्था, संचालित
एम. डी.काळे. इंग्लिश मीडियम पब्लिक स्कूल, मध्ये शिक्षक दिन मोठया उत्साहात साजरा .
तांदुळवाडी येथील एम. डी . काळे इंग्लिश मिडीयम मध्ये ५ सप्टेंबर रोजी “शिक्षक दिन ” मोठया उत्साहात साजरा करण्यात आला. जसे कुंभार आपल्या मातीला आकार देऊन अनेक भांडी घडवितो किंवा तयार करतो त्याचप्रमाणे विद्यार्थ्यांना घडविण्याचे पवित्र काम शिक्षक करत असतात. याचे महत्त्व जाणून पाच सप्टेंबर रोजी आपण डॉक्टर सर्वपल्ली राधाकृष्णन यांच्या जयंतीचे औचित्य साधून आपण शाळेमध्ये” शिक्षक दिन” साजरा करीत असतो. आज शाळेमध्ये विद्यार्थी व विद्यार्थिनी शिक्षक व शिक्षिका बनवून वर्गावर जाऊन विद्या दानाचा प्रत्यक्ष अनुभव घेऊन काम केले. सकाळ सत्रांमध्ये शाळेत विद्यार्थी व विद्यार्थिनी वर्गावर जाऊन इतर विद्यार्थ्यांना शिकविले
त्याचप्रमाणे दुपार सत्रांमध्ये शाळेत शिक्षक दिन व डॉक्टर सर्वपल्ली राधाकृष्णन यांची जयंती साजरी करण्यात आली यानिमित्ताने विद्यार्थ्यांनी तसेच शिक्षक वर्गाने या ठिकाणी आपापली भाषणातून सर्व माहिती विद्यार्थ्यांना दिली शिक्षकांनी डॉक्टर सर्वपल्ली राधाकृष्णन यांच्या जीवन कामाबद्दल माहिती दिली सदर कार्यक्रमात संस्थेचे अध्यक्ष श्री दिनेश काळे सर व शाळेतील प्रिंसिपल नेहा काळे मॅम यांनी सर्व विद्यार्थ्यांना मार्गदर्शन केले त्याचप्रमाणे कार्यक्रमाचे सूत्रसंचालन प्राजक्ता खैरनार यांनी केले. त्याचप्रमाणे मनिषा डोखे, ज्ञानेश्वर सुरसे सर यांनी माहीती दिली . कार्यक्रमाचे इतर नियोजन साक्षी अहिरे, वंदना इंगोले, रोशनी ठेंगे, दिपीका बोरसे, व मंजुषा सोनवणे यांनी केले. विद्यार्थी व विद्यार्थिनी जे शिक्षक बनले होते त्यांचा भेटवस्तू व गुलाब पुष्प देऊन सत्कार करण्यात आला.
शहीद संदीप मोहिते यांचे मांडवड येथे स्मारक उभारणार – आमदार कांदे
पुढच्या पिढीला शहीद संदीप मोहिते यांच्या बलिदानाची ,देशासाठी केलेल्या कर्तव्याची जाणीव रहावी,...
