श्री निलमणी मंदिरात श्री सत्यविनायक महापुजा आणि छप्पन महाभोग अर्पण

मनमाड(योगेश म्हस्के) – मनमाड शहरात धार्मिक परंपरेनुसार उत्सव साजरा करणार्‍या श्री निलमणी गणेश मंदीर सार्वजनिक ट्रस्टतर्फे भाद्रपद महागणेशोत्सनिमित्ताने श्री सत्यविनायक महापुजा करून छपन्न महाभोग नैवेद्य अर्पण करण्यात आला. मनमाड शहराचे आराध्य दैवत आणि नवसाला पावणारा गणपती म्हणून पंचक्रोशीमध्ये प्रसिद्ध असणाऱ्या श्री नीलमणी मंदिरात सलग २६ व्या वर्षी सोमवारी श्री सत्य विनायक महापूजा तसेच यंदाच्या ०८ व्या वर्षी श्री निलमणी महागणपतीस छप्पन महाभोग (महानैवेद्य)भाविकांनी स्वतः तयार करून आणलेले अर्पण करण्यात आले , महाआरती नंतर भाविकांना प्रसादाचे वाटप करण्यात आले.