ठिणगी वेब न्यूज पोर्टल चे दुसऱ्या वर्षात पदार्पण

१० सप्टेंबर २०२१, गणेश चतुर्थी च्या शुभमुहूर्तावर मनमाड हुन प्रसिद्ध होणाऱ्या साप्ताहिक ठिणगी च्या डिजिटल ठिणगीचा श्रीगणेशा करण्यात आला होता. मनमाड,नांदगाव,चांदवड,येवला,लासलगाव तसेच ह्या तीन ही तालुक्यातील ग्रामीण भागात होणाऱ्या घडामोडी, घटना तसेच साजरे होणारे शैक्षणिक, सामाजिक,राजकीय आणि सांस्कृतिक उपक्रमांना ठिणगी ने अग्रक्रमाने प्रसिध्दी देण्याचा प्रामाणिक प्रयत्न ह्या वर्षभरात केलेला आहे. ह्या संपूर्ण वर्षात ठिणगी च्या पोर्टल ला भेट देणाऱ्या व बातम्यांचा वाचकवर्ग दरमासी चढत्या क्रमानेच राहिलेला आहे. ह्या पहिल्याच वर्षात ठिणगी च्या वाचक वर्गाचे व्ह्यूज तब्बल 3,17,000 आणि ठिणगी च्या पेजला भेट देणाऱ्यांची संख्या 2,20,000 आहे. ह्या वर्षभरात परिसरातील बातम्यांना प्रसिध्दी देण्याबरोबरच नागरिकांना भेडसावणाऱ्या प्रश्नांना ठिणगी च्या माध्यमातून प्रसिद्धी देत शासनापर्यंत पोहविण्याचे काम आम्ही ह्या माध्यमातून प्रामाणिकपणे केलेले आहे. ह्या संपूर्ण वर्षभरात इन्स्टंट बातम्यांसाठी वेळोवेळी आम्हाला मदत करणाऱ्या आमच्या संघातील ज्येष्ठ पत्रकार बांधव, नांदगाव येथील पत्रकार बांधव तसेच येवला,चांदवड, लासलगाव येथील पत्रकार बांधव, छायाचित्रकार बांधव ,इलेक्ट्रॉनिक मीडिया मधील आमचे सहकारी मित्र यांचे ह्या संपूर्ण वर्षभरात आम्हाला अनमोल असे मार्गदर्शन लाभले आहे. यापुढेही आमच्या सर्व वाचक,हितचिंतक, मित्रपरिवार, पत्रकार बांधव यांच्या सहकार्याने आणि गत वर्षाच्या अनुभवाने येणाऱ्या वर्षात अधिक जोमाने आणि आत्मविश्वासाने ठिणगी ची वाटचाल होईल असे ह्या प्रसंगी म्हणावेसे वाटते. पुनश्च एकदा सर्वांचे आभार आणि अभिनंदन !