शिवसेनेचे मयूर बोरसे यांचा शहर प्रमुख पदाचा राजीनामा

मनमाड शहर शिवसेना शहरप्रमुख मयूर बोरसे यांनी आपल्या पदाचा राजीनामा दिला आहे. राजीनामा पत्रात त्यांनी म्हटले आहे की शिवसेनाप्रमुख बाळासाहेब ठाकरे व पक्षप्रमुख उद्धव ठाकरे यांचा मी शिवसैनिक असून पक्षाच्या आदेशाचे पालन करीत आलो आहे परंतु कौटुंबिक कारणामुळे मी शिवसेना शहर प्रमुख पदाचा राजीनामा जिल्हा पदाधिाऱ्यांकडे सुपूर्द केला आहे मात्र मी पक्षात कायम असल्याचे बोरसे यांनी सांगितले. नाशिक जिल्हा शिवसेना संपर्कप्रमुख जयंत दिंडे यांच्याकडे दिलेल्या राजीनाम्यात श्री बोरसे यांनी म्हटले आहे की शिवसेना प्रमुख बाळासाहेब ठाकरे यांच्या धगधगत्या विचाराने प्रेरित होऊन माझी बाल शिवसैनिक या पदापासून शिवसेनेशी नाळ जोडली गेली नंतर शाखा प्रमुख पदापासून सुरू झालेला पक्ष कार्याचा प्रवास शहरप्रमुख पदापर्यंत सुरू होता. या वाटचालीत प्रत्येक आंदोलन,मोर्चा,सभांच्या माध्य मातून जनहितासाठी अग्रेसर राहिलो आहे.पक्ष संघटनेच्या कार्यात खारीचा वाटा उचलला.शहर प्रमुख पदाच्या कार्यकाळात पक्षाची प्रत्येक जबाबदारी प्रामाणिकपणे पार पाडली मात्र कौटुंबिक कारणामुळे या पदाला वेळ देता येत नसल्यामुळे शहरप्रमुख पदाच्या जबाबदारीतून मुक्त करावे असे पत्रात नमूद केले आहे.