मुंबई-आग्रा महामार्गावरील पिंपळगाव बसवंत येथील टोल नाका कायमच चर्चेत असतो. काल ह्या टोल नाक्यावर कार्यरत महिला कर्मचारी आणि प्रवासी महिला यांच्यात तुफान हाणामारी झाली. हा सर्व प्रकार मोबाईल कॅमेऱ्यामध्ये रेकॉर्ड झाला असून सोशल मिडियात व्हायरल होत आहे. टोल नाक्यावर एक कार आली. ही कार एका पोलिसाची कार होती. या पोलिसाने त्याचे आयकार्ड दाखवून टोलमधून सूट देण्याची विनंती केली. मात्र, ती नाकारण्यात आली. त्यानंतर त्यांच्यात शाब्दिक बाचाबाची झाली. वादाचे पर्यवसन भांडणात झाले. त्यानंतर टोल महिला कर्मचारी आणि पोलिस पत्नी यांच्यात हाणामारी झाली. आणि त्याचाच हा व्हिडिओ आहे. टोल वरील सुरक्षा रक्षक व अन्य कर्मचाऱ्यांनी मध्यस्थी करुन हा वाद मिटवला आहे. पण, सध्या या व्हिडिओमुळे हा टोल नाका पुन्हा एकदा चर्चेत आला आहे.
मनमाड शहर भाजपा मंडल तर्फे 79 व्या स्वातंत्र्य दिना निमित्ताने ध्वजारोहण कार्यक्रम व भव्य तिरंगा रॅली चेआयोजन युवकांचा उस्फुर्त प्रतिसाद
भारतीय जनता पार्टी मनमाड शहर मंडलाच्या वतीने स्वतंत्र हिंदुस्थान च्या 79 व्या स्वातंत्र्य दिना...
