Breaking News

[post-marguee]

[ays_poll id=7]

सलग 9 वेळा खासदार असणारे माणिकराव (दादासाहेब ) गावित यांचे निधन

Sep 17, 2022

माजी केंद्रीय राज्यमंत्री माणिकराव गावित यांचे निधन झाले. अल्पशा आजाराने त्यांची प्राणज्योत मालवली. ते ८८ वर्षांचे होते. माणिकराव गावित नंदुरबारमधून सलग ९ वेळा खासदार राहिले होते. ते कार्यकर्त्यांमध्ये ‘दादासाहेब’ म्हणून लोकप्रिय होते.

गावित यांच्या पार्थिवावर नवापूर येथे अंत्यसंस्कार करण्यात येणार आहेत. त्यांची प्रकृती बिघडल्याने त्यांच्यावर नाशिकधील खासगी रुग्णाल्यात उपचार सुरू होते. आज सकाळी आठ वाजेच्या सुमारास त्यांच्या निधनाची माहिती डॉक्टरांनी दिली.
माणिकराव गावित सलग ९ वेळा खासदार म्हणून निवडून येण्याचा बहुमान त्यांना मिळाला होता. त्यांचा जनसंपर्क दांडगा होता. त्यांनी १९६५ साली ग्रामपंचायतीच्या राजकारणाला सुरुवात केली होती. १९८१ साली पहिल्यांदा गावित खासदार झाले होते. त्यांनी केंद्रीय गृहराज्यमंत्री, सामाजिक न्यायमंत्री आदी पदांची जबाबदारी संभाळली आहे. ते लोकसभेचे हंगामी अध्यक्षही होते. माणिकराव गावित यांची मुलगी निर्मला गावित इगतपुरीच्या माजी आमदार ,तर मुलगा भरत गावित भाजपाचे जिल्हा परिषद सदस्य आहेत.

माणिकरावांनी १९६५ मध्ये ग्रामपंचायतीपासून राजकारणाचा श्रीगणेशा केला. त्यानंतर केंद्रीय गृह राज्यमंत्री, सामाजिक न्याय राज्यमंत्री अशी पदं न मागताच मिळाली. संसदेतील सर्वात ज्येष्ठ खासदार म्हणून त्यांनी लोकसभेचे हंगामी अध्यक्षपदही भूषवले होते. १९८१ मध्ये त्यांनी पहिल्यांदा लोकसभा लढवली व विजयीही झाले. त्यानंतर त्यांनी सलग नऊ वर्ष विजयी टिळा मिरवला.

माणिकराव गावित यांची राजकीय वाटचाल

नवापूर तालुक्यातील धुळीपाडा येथे २९ ऑक्टोबर १९३४ रोजी त्यांचा जन्म झाला.
त्यांचे शिक्षण जुन्या काळातील मॅट्रिकपर्यंत झाले.१९६५ साली ते नवापूर ग्रामपंचायतीचे सदस्य म्हणून निवडून आले.धुळे जिल्हा परिषदेत नवापूर गटातून ते सदस्य म्हणून निवडून आलेत.१९७१ ते १९७८ साली धुळे जिल्हा परिषदेचे समाज कल्याण सभापती म्हणून निवडून आले.१९८० साली नवापूरचे आमदार झाले.माणिकराव गावित हे १९८१ साली प्रथमच खासदार झाले, त्यावेळी त्यांचे ४७ वय होते.तेव्हापासून ते आतापर्यंत तब्बल ९ वेळा लोकसभेवर प्रचंड म्हणजे लाखाच्या मताधिक्याने निवडून आले आहेत.

१९९९ साली झालेल्या तेराव्या लोकसभेत त्यांना १.३०७७१ इतके प्रचंड मताधिक्य लाभले. देशातील प्रचंड मताधिक्य मिळवणाऱ्या टॉपटेन खासदारांमधील एक म्हणून संबंध देशाला ते परिचित झाले.

१९८१ ते२००९ हा माणिकराव गावित यांच्या खासदारकीचा रौप्य महोत्सवी काळ आहे. या काळात त्यांनी अनेक संसदीय समित्यांवर सदस्य म्हणून काम केले.

१९८१-८२ मध्ये ते समाज कल्याण समितीचे अध्यक्ष होते. १९८० ते १९८४ या काळात ते महाराष्ट्र राज्याच्या आदिवासी विकास महामंडळाचे अध्यक्ष होते.

१९९० ते १९९६ ,१९९८- ९९ तसेच २००० या काळात पेट्रोलियम आणि केमिकल व नैसर्गिक वायू या मंत्रालयाच्या सल्लागार समितीचे सदस्य म्हणून त्यांनी कार्य केले आहे. १९९१ ते ९३ आणि १९९० ते २००० या काळात त्यांनी रेल्वे मंत्रालयाशी संबंधित सल्लागार समितीवर सदस्य म्हणून कार्य केले आहे.

१९९८-९९ या काळात लेबर अॅण्ड वेल्फेअर मंत्रालयाच्या समितीचे सदस्य म्हणूनही कार्य केले आहे. १९९९ ते २००१ या काळात अनु. जाती व अनु.जमाती कल्याण समितीचेही सदस्य होते. १९९०-९१ आणि १९९९- २००० या काळात लोकसभा आणि राज्यसभा सदस्यांच्या अनुपस्थिती संदर्भातील समितीचे ही ते सदस्य होते.
सोनिया गांधी यांनी त्यांना २२ मे २००४ रोजी डॉ. मनमोहन सिंह यांच्या मंत्रिमंडळात केंद्रीय गृह राज्यमंत्री म्हणून स्थान मिळवून दिले.

अजून बातम्या वाचा..

छत्रे न्यू इंग्लिश स्कुल च्या वतीने “स्वातंत्र्याचा अमृत महोत्सव ” निमित्त भव्य प्रभात फेरी चे आयोजन

छत्रे न्यू इंग्लिश स्कुल च्या वतीने “स्वातंत्र्याचा अमृत महोत्सव ” निमित्त भव्य प्रभात फेरी चे आयोजन

" स्वातंत्र्याचा अमृत महोत्सव " निमित्त भव्य प्रभात फेरी चे आयोजन छत्रे न्यू इंग्लिश स्कुल च्या...

read more
मनमाड बचाव कृती समितीच्या वतीने ” हर घर तिरंगा “अभियानाअंतर्गत तिरंगा ध्वज व बिल्ले वाटप

मनमाड बचाव कृती समितीच्या वतीने ” हर घर तिरंगा “अभियानाअंतर्गत तिरंगा ध्वज व बिल्ले वाटप

मनमाड :- शासनाच्या 'हर घर तिरंगा' अभियानाचे निमित्ताने मनमाड बचाव कृती समितीने देश,समाज आणि जनता...

read more
स्वातंत्र्याचा अमृत महोत्सव अंतर्गत “हर घर झेंडा” उपक्रमाअंतर्गत मनमाड नगर परिषदे मार्फत झेंडा विक्री केंद्र स्थापन करणेत आले आहे.

स्वातंत्र्याचा अमृत महोत्सव अंतर्गत “हर घर झेंडा” उपक्रमाअंतर्गत मनमाड नगर परिषदे मार्फत झेंडा विक्री केंद्र स्थापन करणेत आले आहे.

मनमाड शहरातील सर्व नागरीकांना कळविण्यात येते की, स्वातंत्र्याचा अमृत महोत्सव अंतर्गत "हर घर झेंडा"...

read more
केंद्र सरकारच्या धोरणाच्या विरोधात मनमाड ला वीज कर्मचारी संघटनांचे कामबंद आंदोलन

केंद्र सरकारच्या धोरणाच्या विरोधात मनमाड ला वीज कर्मचारी संघटनांचे कामबंद आंदोलन

वीज दुरुस्ती विधयेक २०२२ लोकसभेत एकतर्फी मंजूर करण्याच्या केंद्र सरकारच्या धोरणाच्या विरोधात मनमाड...

read more
[hsas-shortcode group="" speed="10" direction="left" gap="50"]