मनमाड शहरातील नागरी सहकारी पतसंस्थेच्या करोडो रुपयांच्या ठेवी या नाशिक जिल्हा मध्यवर्ती बँकेमध्ये २o१६ पासून अडकल्या असून नाशिक जिल्हा मध्यवर्ती बँकेकडून पतसंस्थेला त्यांच्या हक्काचे पैसे मिळत नसल्याने आज नाशिक जिल्हा मध्यवर्ती बँकेच्या मनमाड येथील मुख्य शाखेमध्ये नागरी सहकारी पतसंस्थेच्या सर्व संचालक सदस्य यांनी भ्रष्टाचार विरोधी जन आंदोलन समितीच्या नेतृत्वाखाली या ठिकाणी आंदोलन सुरू केले आहे. नाशिक जिल्हा मध्यवर्ती बँक ची परिस्थिती सध्या अत्यंत दयनीय झाली असून सहाशे रुपये सुद्धा देण्यास बँक टाळाटाळ करीत असल्याची घटना समोर येत आहे एकंदरच नाशिक जिल्हा मध्यवर्ती बँकेच्या या कारभारामुळे पतसंस्थेच्या अडचणी मध्ये वाढ होत असून पतसंस्थेचे सभासद त्यांनी ठेवलेल्या ठेवी किंवा अल्पबचतची रक्कम परत मिळावी यासाठी पतसंस्थेकडे तगादा करीत आहे.
मात्र नाशिक जिल्हा मध्यवर्ती बँक कुठल्याही प्रकारचे सहकार्य करत नसल्याने त्यासाठी हे अभिनव आंदोलन आज नाशिक जिल्हा मध्यवर्ती बँकेच्या मार्केट शाखेत छेडण्यात आले .
