नांदगाव
नांदगाव तालुक्यातील साकोरा येथील पेडकाई माता सामाजिक शैक्षणिक संस्थेच्या- माध्यमिक विद्यालयात रयत शिक्षण संस्थेचे संच्यापक डॉ. कर्मवीर भावराव पाटील यांची १३५ वी जयंती साजरी करण्यात आली. यावेळी इयत्ता पाचवी ते दहावीच्या विद्यार्थी व विद्यार्थिनींनी कर्मवीर अण्णांच्या जीवनातील छोट्या मोठ्या आठवणींना उजाळा दिला. शर्वरी बोरसे, भूमिका बोरसे, आर्यन सुरसे, केशव शेवाळे, अनुराधा झेंडे, प्रियांका शेवाळे आदी विद्यार्थ्यांनी भाषण केली .शिक्षक श्री बोरसे आर बी, क्षीरसागर के एस यांनी अण्णांचा जीवनपट उलगडून सांगितला. यावेळी कार्यक्रमाचे अध्यक्ष मुख्याध्यापक योगेश पाटील यांनी अण्णांच्या स्वावलंबी शिक्षण हेच आमचे ब्रीद यावर विद्यार्थ्यांना मार्गदर्शन केले. प्रत्येकाने जीवनात प्रॉब्लम होणे गरजेचे आहे अण्णांनी गोरगरीब जनतेला कमी पैशात किंवा मोफत शिक्षण कसे देता येईल जेणेकरून तळागाळातील कष्टकरी शिक्षण प्रवाहात राहील व स्वतःबरोबर राज्याच्या व देशाच्या हिताचे असेल हा दृष्टिकोन ठेवला होता .कमवा आणि शिका ही योजना विद्यार्थ्यांना समजावून सांगितली. कार्यक्रमाचे सूत्रसंचालन श्रीमती बोरसे पीबी व आभार बोरसे बीपी यांनी केले.
