नांदगाव सोमनाथ घोंगाणे
नांदगांव नगरपालिकेचे पाणी पुरवठा योजनेचे दहेगांव धरण आज दि. २३/९/२०२२ रोजी संध्याकाळी ६.०० वाजता पुर्ण क्षमतेने भरून सांडवा प्रवाहीत झाला आहे.
दहेगांव धरणाची साठवण क्षमता ७३.०० दशलक्ष घनफुट असून सन २००९ नंतर ११ वर्षानंतर दि.३०/९/२०२० , दि.८/९/२१ व दि. २३/९/२०२२ असे सलग तीन वर्ष सदरचे धरण पूर्ण क्षमतेने भरले आहे.
सन २००९ नंतर ११ वर्षानंतर सलग तीन वर्ष सप्टेबंर महिन्यात हे धरण पुर्ण क्षमतेने भरले आहे. दहेगाव धरण पुर्ण क्षमतेने भरलेनंतर नांदगाव शहराला किमान २ ते ३ वर्ष सदर पाणी पुरते हे धरण भरल्याने नांदगाव कराचीं पाणी पुरवठयाची चिंता मिटली आहे. आज तरी नांदगाव शहराला याच धरणातून पाणी पुरवठा होत आहे. या धरणातून पाणी पुरवठा होतांना नगरपालिकेची पाणी शुद्वीकरण्याची कुठलीही यंत्रणा नाही फक्त तुरटी व टी. सी. एल पावडर टाकून पाणी पुरवठा केला जातो .
॥धरण भरले पण नांदगाव वासीय तहानलेले ॥
दहेगाव धरण १००% भरले गिरणा धरण १०० % भरले माणिकपुंज धरण १००% भरले पण नांदगाव करानां आजही ८ ते १० दिवसानंतर पाणी पुरवठा केला जातो . नांदगाव न. पा . चे सुस्त प्रशासन याकडे लक्ष देईल अशी अपेक्षा नांदगाव कर करीत आहे.
नांदगाव तालुक्याचे आमदार सुहास अण्णा कांदे यांनी अत्याधुनीक पाणी शुद्वीकरण यंत्रणा बसविणे साठी लवकरात लवकर प्रयत्न करावे अशी मागणी नांदगावकर करीत आहे.
