गत काही महिन्यां पासून मनमाड शहर परिसरात सातत्याने दुचाकी चोरांचा सुळसुळाट असतानाच शहरातील गायकवाड चौक आणि कॅम्प विभागात अशा दोन ठिकाणी दुचाकी अज्ञात चोरट्याने चोरीला गेल्याचा प्रकार घडला.
मनमाड – येवला रोड लागत असलेल्या कॅम्प विभागात राहणारे विनोद मुक्तानंद जगताप यांच्या घरासमोर लावलेले दुचाकी क्रं. एमएच ४१ एवाय ८९१७ अज्ञात चोरट्याने चोरून नेली तर दुसऱ्या घटनेत शहरातील गायकवाड चौक येथे राहणारे रमेश राजाराम बोरसे यांच्या घरासमोर हँडल लॉक करून लावण्यात आलेली दुचाकी क्र. एमएच ४१ एन ३१०४ अज्ञात चोरट्यांनी चोरून नेली. असे मनमाड परिसरात दिलेल्या तक्रारीत म्हटले असून पुढील तपास पोलीस कर्मचारी करीत आहे.
