नांदगाव सोमनाथ घोंगाणे
श्री शिवप्रतिष्ठान हिंदुस्थानचे गुरुवर्य संभाजीराव भिडे गुरुजी यांच्या नेतृत्वाखाली संपूर्ण महाराष्ट्रभर ठिकठिकाणी घटस्थापना ते विजयादशमी दरम्यान श्री दुर्गामाता दौड आयोजित करण्यात येत असते त्याच धर्तीवर नांदगाव शहरात आजपासून श्री दुर्गामाता दौड या उत्सवाला सुरवात झाली . आज भल्या पहाटे संभाजीराव भिडे गुरुजींचे शिष्य अर्थात धारकरी यांनी हातात भगवा ध्वज घेऊन वारकरी टोपी परिधान करून आणि हातात देवीच्या आयुध घेत भवानी मातेचा आराधना आणि जयघोष करीत परिसरातून श्री दुर्गामाता दौड ला सुरवात केली .
आज संगीता सोनवणे, परसराम हराळे,मनोज मोकळ, सुनील सोर, धनंजय सोर,स्वामी शर्मा, कदम मामा, नितेश शर्मा, रवी सोनवणे,अक्षय पवार, मयूर खरोटे, अक्षय नेमणर, खुशी कदम, आरती हराळे कीर्ती मोकळ, पायल हिवाळे,आदी २५ धारकरी सहभागी झाले होते . नांदगाव शहरातील सकल हिंदू माता बंधू भगिणी यांनी श्री दुर्गामाता दौड मध्ये सहभागी व्हावे असे आवाहन सौ. संगीता सोनवणे,परशराम हराळे,नितेश शर्मा,रवी सोनवणे यांनी केले आहे .
