हिंदुहृदयसम्राट शिवसेनाप्रमुख बाळासाहेब ठाकरे यांची सावली समजले जाणारे चंपासिंह थापा आणि मातोश्रीवर प्रदीर्घ काळ सेवा बजावलेले मोरेश्वर राजे यांनी आज धर्मवीर आनंद दिघे साहेबांच्या माध्यमातून सुरू करण्यात आलेल्या आणि मोठ्या श्रद्धेने साजऱ्या करण्यात येणाऱ्या टेंभीनाका येथील जय अंबे धर्मादाय विश्वस्त संस्थेच्या दुर्गेश्वरी मातेच्या आगमन मिरवणुकीत आई जगदंबेच्या साक्षीने शिंदे गटाला पाठींबा देण्याचा निर्णय जाहीर केला.
हिंदुहृदयसम्राट शिवसेनाप्रमुख बाळासाहेब ठाकरे यांचे हिंदुत्वाचे विचार जी व्यक्ती पुढे घेऊन जात आहे अशा व्यक्तीच्या पाठीशी खंबीरपणे उभे राहणार असल्याचे यावेळी या दोघांनी सांगितले.
याप्रसंगी खासदार डॉ.श्रीकांत शिंदे, आमदार रवींद्र फाटक,
ठाणे जिल्हाप्रमुख व शिवसेना प्रवक्ते नरेश म्हस्के, कल्याण जिल्हाप्रमुख गोपाळ लांडगे, युवासेना विस्तारक राहुल लोंढे, शिवसेनेचे सर्व पदाधिकारी आणि कार्यकर्ते उपस्थित होते.
