मनमाड – (कादिर शेख)
मनमाड कॅम्प विभाग शाळा क्र. 14, सियोन कॉलोनी, डमरे कॉलोनी, संत बर्णाबा चर्च व शाळेमागील संपूर्ण भाग या भागात मागील अनेक वर्षांपासून पथदीप खांब व पथदीप नाही कॅम्प विभागातून जाणारा हा मुख्य रस्ता आहे, या परिसरातील प्रत्येक नागरिक, शाळेतील लहान मुले, महिला, ज्येष्ठ नागरिक, याच रस्त्यावरून ये जा करीत असतात आणि अशा दाट अंधारात त्यांचे अतोनात हाल होत आहे. रस्त्यावर लाईट नाही त्यात रस्त्यावर ठिकठिकाणी खड्डे, माती व पावसाळ्यात त्यात साचलेले पाणी यापासून येथील नागरिक त्रस्त झाले आहेत. त्यामुळे या भागातील नागरिक, समाजसेवक व फुले शाहू आंबेडकर मुस्लिम विचार मंच यांचे एक शिष्ठ मंडळ मनमाड नगर परिषद विद्युत विभाग येथे जाऊन विद्युत अभियंता श्री. मनोज मोरे यांची भेट घेतली व वरील समस्ये संदर्भात निवेदन देण्यात आले तसेच यावर लवकरच काम सुरू करण्याचे आश्वासन अधिकारी यांनी दिले आहे. यावेळी समाजसेवक पापाभाई थॉमस,फुले शाहू आंबेडकर मुस्लिम विचार मंचचे कार्याध्यक्ष फिरोज भाई शेख, शकुर शेख,सुरेश देसाई,इस्माईल पठाण, युनूस शेख व राहत फाउंडेशनचे कयाम सैय्यद उपस्थित होते.
