दि.4 ऑक्टोंबर 2022 नांदगाव येथील जे. टी. कासलीवाल इंग्लिश मीडियम स्कूल मध्ये नुकताच नवराञोत्सव उत्साहात साजरा करण्यात आला.
यावेळी शाळेतील विद्यार्थी शिक्षक आणि पालकांनी गरबा आणि दांडियात सहभागी होत एकच जल्लोष करत नवरात्रोत्सव उत्साहात साजरा केला.
विद्यार्थ्यांना विविध राज्यातील संस्कृती व परंपरा यांचा परिचय व्हावा व त्याचा आनंद लुटता यावा यासाठी या कार्यक्रमाचे आयोजन करण्यात आले होते. शाळेतील मैदानावर सुबक व सुंदर रांगोळी काढून दांडिया नृत्य आखण्यात आले होते. कार्यक्रमाच्या सुरुवातीला नवदुर्गेच्या वेशात आलेल्या विद्यार्थिनींच्या व महिला शिक्षिकांच्या हस्ते दुर्गा मातेच्या प्रतिमेचे पूजन करण्यात आले. यावेळी दुर्गा माता स्तोत्राचे गायनही करण्यात आले शाळेतील महिला शिक्षकांनी महिषासुरमर्दिनी मातेचे गीत गायन करून गरबा व दांडिया खेळायला सुरुवात केली. शाळेचे प्राचार्य श्री .मनी चावला यांनी यावेळी उपस्थित सर्व विद्यार्थ्यांना, शिक्षकांना, पालकांना गरबा आणि दांडिया खेळण्यासाठी आमंत्रित केले. यावेळी शाळेच्या मैदानावर विद्यार्थ्यांनी एकच जल्लोष केला.
सर्व विद्यार्थ्यांना नवरात्रोत्सवानिमित्त संस्थेचे चेअरमन श्री. सुनीलकुमार कासलीवाल तसेच संस्थेचे सेक्रेटरी विजय चोपडा,प्रमिलाताई कासलीवाल, जुगलकिशोर अग्रवाल, रिखबचंद कासलीवाल, महेंद्र चांदीवाल,सर्व पदाधिकारी, प्रशासक प्रकाश, गुप्ता प्रिन्सिपल मनी चावला सर, शिक्षक व शिक्षकेतर कर्मचारी यांनी शुभेच्छा दिल्या.
