जागतिक प्राणी दिवस

वन्यजीव सप्ताह ७ ओक्टोंबर २०२२ पक्षी आणि सूर्य …
जंगलातील सर्वात सुंदर गोष्ट म्हणजे तिथे होणारे विलक्षण आल्हाददायक सूर्योदय आणि तांबडे सोनेरी सूर्यास्त. भल्या पहाटे जंगलात प्रवेश केल्यावर जंगल हळूहळू जागं होताना पाहायला मिळतं. सकाळी सकाळी मग पक्ष्यांचा किलबिलाट वाढू लागतो. पाणवठ्यावर तर अजूनच पक्षीसौंदर्य पाहायला मिळते. निसर्गाच्या सानिध्यातील सूर्योदय आणि सूर्यास्त भारावून टाकणारे असतात. पक्षी संशोधकांच्या मते पक्षी उत्तर आणि दक्षिण दिशा ओळखू शकतात. पक्षी
दिवसा तसेच रात्रीसुद्धा स्थलांतर करतात.दिवसा पक्षी सूर्याची मदत घेऊन उडतात. पक्ष्यांना दिवसाचा कोणता कालावधी सुरू आहे, हे कळत असावे. ते सूर्याच्या स्थानावरून उत्तर व दक्षिण दिशा शोधतात. सकाळी सूर्य पूर्वेला असताना दक्षिण दिशेत उडायचे असेल तर पक्षी सूर्य त्यांच्या डाव्या बाजुला असेल, अशा प्रकारे उडतात. पक्षी दुपारच्यावेळी दक्षिण दिशेत उडतात तेव्हा सूर्य त्यांच्या उजव्या बाजूला असतो. पक्षी रात्री उडतात तेव्हा ते मार्ग शोधण्यासाठी ताऱ्यांची मदत घेतात
– .प्रा.आनंद बोरा