दोन दिवसांपूर्वी कातरवाडी तालुका चांदवड येथे सोपान बाबुराव झाल्टे यांचा राहत्या घरी अज्ञात लोकांनी हल्ला करून खून केला होता. याप्रकरणी पोलिसांनी तीन जणांना अटक केली आहे.
याबाबत अधिक माहिती अशी की, सोपान बाबुराव झाल्टे वय वर्षे ४० हे त्यांच्या राहत्या घरी रात्री पत्र्याच्या शेड मध्ये झोपले असताना अज्ञात लोकांनी हल्ला करून खून केला होता. या घटनेची माहिती मिळताच मनमाड अप्पर पोलीस अधीक्षक समीर सिंग साळवे व चांदवड पोलीस निरीक्षक समीर बारवकर,पोलीस उपनिरीक्षक सुरेश चौधरी, कर्मचारी मंगेश डोंगरे, उत्तम गोसावी, अमोल जाधव, विजय जाधव, कीर्ती संसारे, पालवे, गुळे, राजेंद्र बिन्नर आदी कर्मचारी व स्थानिक गुन्हे शाखा नासिक यांच्या मदतीने व मालेगाव ग्रामीण पोलीस अधीक्षक चंद्रकांत खांडवी व नाशिक ग्रामीण सचिन पाटील यांच्या मार्गदर्शनाखाली कसून तपास करण्यात आला.
तपासात झाल्टे यांच्या पत्नी मनीषा सोपान झाल्टे व तिचे सहकारी सुभाष संसारे (रा. कातरवाडी) व खलील शहा (रा. मनमाड) या तीन संशयितांना चांदवड पोलिसांनी अटक केली आहे.
