मनमाड येथील महात्मा गांधी विद्यामंदिर संचालित कला, विज्ञान व वाणिज्य (स्वायत्त) महाविद्यालयात अभिजात मराठी भाषा दिन मराठी विभाग व राष्ट्रीय सेवा योजना विभागाच्या संयुक्त विद्यमाने, महाविद्यालयाचे प्राचार्य डॉ.प्रमोद आंबेकर यांच्या मार्गदर्शनाखाली साजरा करण्यात आला.यावेळी राष्ट्रीय सेवा योजना विभागाच्या विद्यार्थ्यांनी ‘लाभले आम्हास भाग्य बोलतो मराठी’ या विषयावर पथनाट्य सादर केले. पथनाट्य सादर करणाऱ्या विद्यार्थ्यांना राष्ट्रीय सेवा योजना कार्यक्रमाधिकारी डॉ. पवनसिंग परदेशी यांचे मार्गदर्शन लाभले. याप्रसंगी महाविद्यालयाचे प्राचार्य डॉ. प्रमोद आंबेकर यांनी ‘मराठी भाषेची अभिजातता’ याविषयी उपस्थितांना मार्गदर्शन केले. मराठी भाषेला २००० वर्षांचा इतिहास आहे. त्यामुळे ३ ऑक्टोबर २०२४ पासून मराठी भाषेला भारत सरकारने अधिकृत अभिजात भाषेचा दर्जा दिला असल्याची माहिती त्यांनी यावेळी दिली. यावेळी पर्यवेक्षक प्रा. डी. व्ही. सोनवणे, मराठी विभागातील सहयोगी प्रा. डाॅ. धनराज धनगर, राष्ट्रीय सेवा विभाग कार्यक्रम अधिकारी डॉ. आरती छाजेड, राष्ट्रीय छात्र सेनेचे प्रमुख प्रा. प्रकाश बर्डे तसेच महाविद्यालयातील विद्यार्थी, प्राध्यापक, शिक्षकेतर कर्मचारी मोठ्या संख्येने उपस्थित होते.
माणुसकीच्या संस्कारांची छोटी पावले; प्रकृती स्कूलच्या चिमुकल्यांचा स्तुत्य उपक्रम
प्रकृती स्कूल मनमाडच्या वतीने दिवाळी गृहपाठांतर्गत इयत्ता पहिलीच्या विद्यार्थ्यांना औषध पाकिटे...











